Молитва стилиану

X

Политика конфиденциальности и использования файлов сookie

Этот сайт использует файлы cookie. Продолжая, вы соглашаетесь с их использованием. Узнайте больше, в том числе о том, как контролировать использование файлов cookie.

Понятно!

Реклама

Молитва Богу Отцу супругов, не имеющих детей

Услышь нас, Милосердный и Всемогущий Боже, да молением нашим ниспослана будет благодать Твоя. Будь милостив, Господи, к молитве нашей, воспомяни Закон Твой об умножении рода человеческого и будь милостивым Покровителем, да Твоею помощью сохранится Тобою же установленное. Ты властною силою Твоею из ничего все сотворил и положил начало всего в мире существующего: сотворил и человека по образу Своему и высокою тайною освятил союз супружества в предуказание тайны единения Христа с Церковью. Призри, Милосердный, на рабов Твоих сих (имена), союзом супружеским соединенных и умоляющих о Твоей помощи, да будет на них (на нас) милость Твоя, да будут плодовиты и да увидят они сыны сынов своих даже до третьего и четвертого рода, и до желаемой старости доживут и войдут в Царство Небесное по милости Господа нашего Иисуса Христа, Которому всякая слава, честь и поклонение подобает со Отцем и Святым Духом во веки. Аминь

О ДАРОВАНИИ ЧАД БЕСЧАДНЫМ СУПРУГАМ

Боже Пречистый, и всея твари Содетелю, ребро праотца нашего Адама Твоим человеколюбием в жену преобразивый и благословивый ихъ, и рекий: раститеся и множитеся, и обладайте землею. Молимся Ти, о еже даровати рабом Твоим имярек, благочадия восприятию и незазорному пребыванию, цуломудрию и плоду чрева на пользу, и вся яже ко спасению прошения даровати имъ; во умилении сердец моломся и вопием: Господи, благослови и милостивно помилуй.
Лик: Господи, помилуй, трижды.
Господи, Господи, во умилении сердецъ зовем Ти: предстательством Твоим обручивый, славою и честию венчавый рабов Твоих имярек, подаждь нам, Владыко, житейскижъ благ Благий Устроителю. Житие мирно, целомудрие, семя долгожизненно, о чадехъ благодать, неувядаемый славы венецъ, молимся Благости Твоей: исполни во благихъ прошения рабов Твоих, и милостивно помилуй.
Лик: Господи, помилуй, трижды.
Еще молимся Тебе, Отцу, и Сыну, и Святому Духу, Троице Единосущней и Нераздельней, о еже благоловити рабов Твоих имярек, даждь имъ плодъ чрева, доброчадие: возвыси ихъ яко кедры ливанския, яко лозу благорозгную и семя класяно; и да узрятъ они сыны сыновъ своих, яко новосаждения масличная окрест трапезы своея и возсияют, яко светила на небеси, в Тебе, Господе нашем; во умилении молимся: скоро услыши и милостивно помилуй.
Лик: Господи, помилуй, трижды.
Еще молимся и о еже услышати Господу Богу глас моления нас, грешных, и помиловати нас.
Лик: Господи, помилуй, трижды.
Іерей возглас: Услыши ны, Боже, Спасителю наш, упование всех концев земли и сущих в мори далече, и милостив, милостив буди, Владыко, о гресех наших, и помилуй ны. Милостив бо и человеколюбец Бог еси, и Тебе славу возсылаем, Отцу, и Сыну, и Святому Духу, ныне и присно, и во веки веков
Лик: Аминь.

Молитва праведным Богоотцам Иоакиму и Анне для тех, кто находится в супружеском неплодстве

О, приснославнии Христовы праведницы, святии Богоотцы Иоакиме и Анно, предстоящии Небесному Престолу Великаго Царя и велие дерзновение к Нему имущии, яко от Преблагословенныя Дщере вашея, Пречистыя Богородицы и Приснодевы Марии, воплотитися изволившему!

К вам, яко многомощным предстателем и усердным о нас молитвенникам, прибегаем мы, грешнии и недостойнии. Молите благость Его, яко да отвратит от нас гнев Свой, по делом нашим праведно на ны движимый, и да безчисленная прегрешения наша презрев, обратит нас на путь покаяния, и на стези заповедей Своих да утвердит нас. Также молитвами вашими в мире жизнь нашу сохраните, и во всех благих благое поспешение испросите, вся яже к животу и благочестию потребная нам от Бога дарующи, от всяких напастей и бед и напрасныя смерти предстательством вашим нас избавляюще, и от всех враг видимых и невидимых защищающе, яко да тихое и безмолвное житие поживем во всяком благочестии и чистоте, и тако в мире временное сие житие прешедше, в вечный достигнем покой, идеже вашим святым умолением да сподобимся Небеснаго Царствия Христа Бога нашего, Ему же со Отцем и Пресвятым Духом подобает всякая слава, честь и поклонение во веки веков. Аминь.

Тропарь: Иже в законней благодати праведни бывше, Младенца Богоданнаго породиша нам, Иоаким и Анна. Темже днесь светло торжествует, весело празднующи, Божественная Церковь, честную вашу память, славящи Бога, воздвигшаго рог спасения нам в дому Давидове.

Преподобному Александру Свирскому

Тропарь: От юности, Богомудре, желанием духовным в пустыню вселився, единаго Христа возжелал еси усердно стопам в след ходити. Темже и ангельстии чини, зряще тя, удивишася, како с плотию к невидимым кознем подвизався, премудре, победил еси полки страстей воздержанием и явился еси равноангелен на земли, Александре преподобне, моли Христа Бога, да спасет души наша.

Молитва: О, священная главо, ангеле земный и человече небесный, преподобне и богоносне отче наш Александре, изрядный угодниче Пресвятыя и Единосущныя Троицы, многия милости живущим во святей обители твоей и всем, с верою и любовию притекающим к тебе, являяй! Испроси нам вся к житию сему временному благопотребная, паче же к вечному спасению нашему нужная. Пособствуй предстательством твоим, угодниче Божий, правителем страны нашея Российския на враги видимыя и невидимыя, да в мире глубоце пребудет святая Православная Церковь Христова. Буди всем нам, чудотворче святый, во всякой скорби и обстоянии скорый помощниче. Наипаче же в час кончины нашея явися нам заступник благосердый, да не предани будем на мытарствах воздушных власти злобнаго миродержца, но да сподобимся непреткновеннаго восхода в Царствие Небесное.
Ей, отче, молитвенниче наш присный! Не посрами упования нашего, не презри смиренных молений наших, но присно о нас пред Престолом Живоначальныя Троицы предстательствуй, да сподобимся вкупе с тобою и со всеми святыми, аще и недостойны есмы, в селениих райских славити величие, благодать и милость Единаго в Троице Бога, Отца и Сына и Святаго Духа, во веки веков. Аминь.

Тропарь святым преподобным Сергию и Варваре Островским (праведным родителям преподобного Александра Свирского):
Боже отец наших, творяй присно с нами по Твоей кротости, не остави милость Твою от нас, но молитвами их в мир управи живот наш.

Молитва святой богопраматери Анне,разрешающей узы безчадия и неплодия.

Благоугодный корень, израстивший былие благоплодное и вечноцветущее – препетую Богородицу, из Нея же произыде Начальник жизни и Совершитель веры Иисус Христос, многоточный источник, из неяже произыде, яко поток сладости и река мира Благословенная в женах, источающая бездну благ и неизреченное море благости и бесконечного блаженства. Предопределенная чревоносити несравненно Светлейшую лучей солнечных, Еяже прозреша и проповедаша пророческие трубы. Познанная от Плода ея, Царицы Ангелов и вышшей сущей небес, яко сосуд избранный Святаго Духа и вместилище благодати яснейшее. Образ праведности и непорочного жительства и мудрости луг благоуханный и сладкоблаговонный. Исполняющая законная повеления в правости сердца и горящем благоговении и всяким тщанием со блаженным своим супругом и богоносцем Иоакимом. Божественным волением зачавшая в старости маститей и рождшая прежде век предопределенную родитися Матерь Божию. Прамати всемилостивого и всещедраго Бога, готовое заступление и предстательство с верою прибегающих к тебе, утешение страждущих и покой скорбящим, благодатию Внука твоего показующая безчадных и неплодных жен благочадны, приими и моление нас грешных и преложи печаль безчадия молящихся тебе в радость.

Даждь плод чрева призывающим тя, разрешая мрак их безплодия и, яко разрешение безплодия, безчадных жен благочадны сотвори ублажающих тя и славословящих Богочеловека – Внука твоего и Создателя и Господа.

Ей, блаженная и благодатная Анна, всем, яко луна пресветлая, посылающая мирный и тихий свет богоданных в тебе дарований, показавшаяся Сарры честнейшая, Анны матери Самуила светлейшая, Елисаветы славнейшая и всех праведных жен, ихже закон прославляет, честнейшая и яко от сего многой чести и благодати удостоенная, исполни радости и веселия сердца к тебе прибегающих и даждь благодать твою рабе твоей, приемлющей твою скорую помощь, отверзая ей чрево, да твоим предстательством и заступлением улучит зачатие чада и прославит всесвятое Имя Богочеловека – Внука Твоего и Спаса нашего Иисуса Христа. Ему же подобает всякая слава, честь и поклонение со безначальным Его Отцем и пресвятым и благим и животворящим Его Духом ныне и присно и во веки веков. Аминь.

Молитва преподобномученице Евдокие от бесплодия

Святой Евдокии молятся женщины, которые не могут забеременеть. Евдокия, приняв Святое Крещение и отрекшись от своего богатства, строгой постнической жизнью угодила Богу и получила дар чудотворения.

Молитва

О святая угоднице Божия, преподобномученице Евдокие! Подвигом добрым подвизавшися на земли, восприяла еси на Небесех венец правды, егоже уготовал есть Господь всем любящим Его. Темже взирающе на святый твой образ, радуемся о преславнем скончании жительства твоего и чтем святую память твою. Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веце и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.

Cвятому преподобному Евфимию Великому от бесплодия

Преподобный Евфимий жил в пустынном месте, весь отдаваясь Господу, проводя время в трудах, воздержании и молитве, вкушая пищу только в субботу и воскресенье, никогда не спал лежа. Господь наградил Своего угодника даром чудотворения и прозорливости. Молитвою он сводил с неба дождь, исцелял неизлечимо больных, прогонял демонов, провидел душевные свойства людей. Ему молятся в супружеском неплодстве и во время голода.

Преподобне отче Евфимие! Воззри на нас милостивно и к земли приверженных возведи к высоте небесней. Ты горе на небеси, мы на земли низу, удалены от тебе, не толико местом, елико грехми своими и беззаконии, но к тебе прибегаем и взываем: настави нас ходити путем твоим, вразуми и руководствуй. Вся твоя святая жизнь бысть зерцалом всякия добродетели. Не престани, угодниче Божий, о нас вопия ко Господу. Испроси предстательством своим у Всемилостиваго Бога нашего мир Церкви Его, под знамением креста воинствующей, согласие в вере и единомудрие, суемудрия же и расколов истребление, утверждение во благих делех, больным исцеление, печальным утешение, обиженным заступление, бедствующим помощь. Не посрами нас, к тебе с верою притекающих. Вси православнии христиане, твоими чудесы исполненнии и милостями облагодетельствованнии, исповедуют тя быти своего покровителя и заступника. Яви древния милости твоя, и ихже отцем всепомоществовал еси, не отрини и нас, чад их, стопами их к тебе шествующих. Предстояще всечестней иконе твоей, яко тебе живу сущу, припадаем и молимся: приими моления наша и вознеси их на жертвенник благоутробия Божия, да приимем тобою благодать и благовременную в нуждех наших помощь. Укрепи наше малодушие и утверди нас в вере, да несомненно уповаем получити вся благая от благосердия Владыки молитвами твоими. О, превеликий угодниче Божий! Всем нам, с верою притекающим к тебе, помози предстательством твоим ко Господу, и всех нас управи в мире и покаянии скончати живот наш и преселитися со упованием в блаженныя недра Авраамова, идеже ты радостно во трудех и подвизех ныне почиваеши, прославляя со всеми святыми Бога, в Троице славимаго, Отца и Сына и Святаго Духа, ныне и присно и во веки веков. Аминь.

Тропарь преподобному Стилиану

глас 3

Столп воодушевленный воздержания, столп неколебимый Церкве, Стилиане, соделался еси, блаженне. Господу от юности вверился еси, обиталище Духа явился еси, отче преподобне, Христа Бога моли даровати нам велию милость.

Кондак преподобному Стилиану

глас 4

От утробы матерния освятивыйся, яко Божественный Самуил, богоносне, подвижнически Христа Бога прославил еси. Темже исцелений показался еси кладязь и предстатель божественный отроков и младенцев, Христос бо тя светло славит, Егоже измлада, Стилиане, прославил еси.

Молитва преподобному Стилиану Пафлагонскому

О священная главо, преподобне отче Стилиане! Подвигом добрым подвизався на земли, на небесех восприял еси венец правды от Христа Бога нашего. Темже на твой святый образ взирающе, о преславнем скончании жительства твоего радуемся и чтим святую память твою. Почитающе же твое велие дерзновение пред Господем, со смирением молим тя, преподобне отче: воззри убо благосердым оком любве твоея на нас, недостойных рабов твоих, и потщися богоприятным твоим ходатайством испросити у Царя царствующих и Господа господствующих, да пробавит великия и богатыя милости Своя на нас, грешных, да подаст нам дух правыя веры, дух любве, мира и радости о Дусе Святе, да избавит ны от всяких бед и напастей, да ниспослет вся полезная ко спасению душ наших. Ей, святче Божий, не посрами упования нашего, еже на тя по Бозе и Богородице возлагаем, но буди нам помощник и покровитель во спасение, да сподобимся скончати житие наше в покаянии и восприимем вечная благая во Царствии Христа Бога нашего, и прославим человеколюбие Отца и Сына и Святого Духа, и твое святое заступление, ныне и присно и во веки веков. Аминь.

Тропарь преподобного Сампсона

глас 8

В терпении твоем стяжал еси мзду твою, отче преподобне,/ в молитвах непрестанно терпевый,/ нищия возлюбивый и сия удовливый,/ но молися Христу Богу, Сампсоне милостиве блаженне,// спастися душам нашим.

Кондак преподобного Сампсона

глас 8

Яко врача всеизрядна и молитвенника благоприятна,/ к раце твоей Божественней притекающе, Сампсоне богомудре преподобне,/ сошедшеся любовию, псалмы и песньми, радующеся, Христа прославляем,// таковую тебе благодать подавающа исцелений. Тропарь и кондак преподобного Амвросия (см. 10/23 октября)

Молитва преподобному Сампсону Странноприимцу

О теплый молитвенниче, благостный отче, преподобне Сампсоне! Моли Бога о мне, грешнем, и низпосли от Всеблагаго Владыки помощь ми и избавление, привременна бо есть жизнь моя и исполнена труда, скорбей и болезней. Укрепи сердце мое, да возмогу понести тяготу мою, и не попусти, да превозмогут искушения многая моя малыя силы, но споспешествуй мне заступлением твоим и посреде обстояний и бед управи путь мой в Царство Небесное, да славлю прославльшагося в тебе Господа во веки. Аминь.

Молитва ко святой мученице Параскеве Пятнице о рождении девочки

О святая и преблаженная мученице Христова Параскево, красото девическая, мучеников похвало, чистоты образе, великодушных зерцало, премудрых удивление, веры христианския хранительнице, идольския льсти обличительнице, Евангелия Божественнаго поборнице, заповедей Господних ревнительнице, сподобльшаяся приити ко пристанищу вечнаго покоя и в чертозе Жениха твоего Христа Бога светло веселящаяся, сугубым венцем девства и мученичества украшенная! Молим тя, святая мученице, буди о нас печальница ко Христу Богу, Его же преблаженнейшим зрением присно веселитися; моли Всемилостиваго, иже словом очи слепым отверзе, да избавит нас от болезни очес наших, телесных вкупе и душевных; разжени твоими святыми молитвами темный мрак прибывший от грехов наших, испроси у Отца Света свет благодати душевным и телесным очесем нашим; просвети нас, омраченных грехми, светом Божия благодати, да твоих ради святых молитв дастся безочесным сладкое зрение. О великая угодница Божия! О мужественнейшая дево! О крепкая мученице святая Параскево! Святыми твоими молитвами буди нам грешным помощница, ходатайствуй и молися о окаянных и зело нерадивых грешницех, ускори на помощь нам, ибо зело немощны есмы. Моли Господа, чистая девице, моли Милосердаго, святая мученице, моли Жениха твоего, непорочная Христова невесто, да твоими молитвами пособствоваши, мрака же греховнаго избывше, во свете истинныя веры и деяний Божественных внидем во свет вечный дне невечерняго, во град веселия приснаго, в немже ты ныне светло блистаеши славою и веселием безконечным, славословящи и воспевающи со всеми Небесными Силами Трисвятительное Единое Божество, Отца и Сына и Святаго Духа, ныне и присно и во веки веков. Аминь.

Молитва преподобному Роману о рождении мальчика

О священная главо, преподобне отче, преблаженне авво Романе, не забуди убогих твоих до конца, но поминай нас всегда во святых и благоприятных молитвах к Богу: помяни стадо твое, еже сам упасл еси, и не забуди посещати чад твоих моли за ны, отче священный, за дети твоя духовныя, яко имеяй дерзновение к Небесному Царю: не премолчи за ны ко Господу, и не презри нас, верою и любовию чтущих тя: поминай нас недостойных у Престола Вседержителева, и не престай моляся о нас ко Христу Богу, ибо дана тебе бысть благодать за ны молитися. Не мним бо тя суща мертва: аще бо телом и преставился еси от нас, но и по смерти жив сый пребываеши, не отступай от нас духом, сохраняя нас от стрел вражиих и всякия прелести бесовския и козней диавольских, пастырю наш добрый аще бо и мощей твоих рака пред очима нашима видима есть всегда, но святая твоя душа со ангельскими воинствы, со безплотными лики, с небесными силами, у престола Вседержителева предстоящи, достойно веселится, ведуще убо тя воистину и по смерти жива суща, тебе припадаем и тебе молимся: молися о нас Всесильному Богу, о пользе душ наших, и испроси нам время на покаяние, да невозбранно прейдем от земли на небо, от мытарств же горьких, бесов воздушных князей и от вечныя муки да избавимся, и Небеснаго Царствия наследницы да будем со всеми праведными, от века угодившими Господу нашему Иисусу Христу: Ему же подобает всякая слава, честь и поклонение, со Безначальным Его Отцем, и с Пресвятым и Благим и Животворящим Его Духом, ныне и присно, и во веки веков. Аминь.

Реклама

Поделиться ссылкой:

Почитаемый на Кипре и в Греции, менее известный на Руси, святой преподобный Стилиан Пафлагонский получил от Господа особую благодать покровительствовать детям. Даже на иконе он изображается с младенцем на руках. Память святого празднуется 9 декабря.

«От юности Христа возлюбивший»

Имя Стилиан происходит от греческого глагола «стилоно», что значит «укреплять», «поддерживать». Будущий святой родился в V веке в Пафлагонии в Малой Азии. И с самых ранних лет стремился к богоугодной жизни. Можно сказать, что с детства был святым. Конечно, его бороли страсти, но он не позволял им осквернять свою душу. С юности держал он в уме и сердце евангельские строки: Истинно говорю вам, если не обратитесь и не будете как дети, не войдете в Царство Небесное (Мф. 18, 1-4).

Благодаря милости Божией он не поддавался на соблазны временной земной жизни. Поэтому, достигнув совершеннолетия, он раздал все свое состояние бедным и сказал: «Я скинул тяжелый якорь, который держал меня на привязи желаний моего падшего тела. Отныне открыт передо мной путь к истинной жизни». После этого он принял монашеский постриг в одном из малоазийских монастырей, где стал вести суровую аскетическую жизнь, строго следуя обетам чистоты, нестяжательности и послушания. Подчиняя свою волю старцу, молодой монах успешно боролся с бесовскими кознями.

Годы отшельничества и слава от Бога

Но и этот подвиг казался преподобному малым для выражения любви Богу. Через несколько лет он удалился в безлюдную пустыню, где стал жить в пещере. Дни и ночи подвижник проводил в молитве и славословии Бога, созерцая вокруг творения Его – бесчисленные звезды, солнце, животных, всю красоту природы.

На протяжении десятилетий отшельник безжалостно боролся с врагом рода человеческого и с самим собой. Тогда Господь пожелал открыть людям многочисленные добродетели, которые стяжал святой за эти годы.

Молва о подвижнике разнеслась по всей округе. К нему потянулись толпы людей, как простых мирян, так и опытных монахов. Их не пугало ни расстояние от города, ни климат пустыни. Много было свидетельств о том, как после общения со старцем приносили покаяние и перерождались душой закоренелые грешники. Верующие хотели прикоснуться к его святости, получить духовный совет и утешение.

Святой Стилиан знал: чтобы приобрести Царствие Небесное, нужно иметь душу маленького ребенка, и верил, что души детей подобны ангелам. Поэтому он хотел помогать и покровительствовать детям. Господь вознаградил его святые чувства и дал ему чудодейственную силу исцелять больных детей. Из разных уголков Пафлагонии матери на руках приносили ему своих чад. С болью и верой они падали в ноги старцу и просили его святых молитв. Святой Стилиан, преисполненный сострадания и любви к людям, брал каждого больного ребенка на руки и слезно просил Бога об ис­целении. Господь внимал молитве Своего угодника и Своей всесильной благодатью даровал здоровье ребенку. Возле пещеры Стилиана родители исцеленных плакали от радости, лобызали с почтением и благодарностью руку святого старца, прославляли Бога. С отеческой любовью смотрел святой Стилиан на малышей, которые были избавлены от болезни.

Святой помогал и отрокам, нуждавшимся в духовном окормлении. Семьи из всех слоев общества доверяли старцу воспитание своих детей, некоторых даже оставляли жить под его присмотром и духовным попечением.

Также этот святой стяжал славу чудотворца для бесплодных, которых своими молитвами делал способными к чадородию. У христиан, пришедших к нему бесплодными, по его благословению рождались прекрасные и здоровые дети.

По некоторым источникам, еще одним отличительным качеством преподобного Стилиана был его веселый облик и улыбка, которая редко сходила с его уст. А если ему предлагали извлечь выгоду из своих талантов, то он отвечал, что за все его дары ему было уплачено авансом, когда благодать Духа Святаго сошла на него.

Преставился Стилиан Пафлагонский в глубокой старости. По преданию, во время похорон его улыбающееся лицо было озарено Божественным сиянием.

Святой продолжает помогать родителям и тем, кто хочет ими стать. Ему молятся о даровании детей и об исцелении их от всяких болезней.

В наши дни

У прихожанки одного московского храма родился долгожданный внук. Через некоторое время у него обнаружили порок сердца, нужна была операция. Однажды женщина поделилась своей болью с одной верующей и услышала совет: «Поезжай в Дедовичи Псковской области. Там есть икона преподобного Стилиана, который помогает болящим детям». Бабушка болящего внука взяла благословение и ночным поездом поехала туда, а в другую ночь – обратно, но уже с маленькой иконой преподобного. И сразу к своему батюшке – попросила заказать образ преподобного Стилиана для храма и пожертвовала деньги на его написание. Малышу удачно сделали операцию, и он быстро пошел на поправку, а в храме появилась икона преподобного Стилиана, которую написали иконописцы Троице-Сергиевой Лавры.

Настоятель храма в поселке Дедовичи архимандрит Павел (+2009) рассказывал такую историю: «Однажды я проходил мимо церквушки святого Стилиана, что находится в восточной части Афин, неподалеку от монастыря святого Иоанна Карейского. Это было 26 ноября, в день памяти святого Стилиана (по старому стилю), который является престольным праздником той деревни. С удивлением я заметил, что, несмотря на сильный холод, туда приносили сотни маленьких детей не только из ближайшей округи, но и из других районов. Я поинтересовался – что происходит, и мне ответили, что святой Стилиан – покровитель детей. Поэтому родители приносят их сюда в день праздника с упованием на то, что преподобный сохранит их целыми и невредимыми в следующий год». Это так поразило отца Павла, что чудотворная икона святого появилась в храме в честь Покрова Пресвятой Богородицы в Дедовичах, ее привезли из Греции.

Также чудотворные иконы святого есть в московском храме в честь Успения Пресвятой Богородицы в Косино, в Преображенском храме г. Дятьково Брянской области, в Богородицерождественском женском монастыре поселка Горелки Тульской области. В Саввино-Сторожевском монастыре хранится чудотворная икона, на которой изображены преподобный Стилиан Пафлагонский и святитель Иулиан Кеноманийский, которого на Руси также считали покровителем детей.

Подготовила Татьяна Уютова

Тропарь преподобному Стилиану, глас третий:

Столп воодушевленный воздержания, столп неколебимый Церкве, Стилиане, соделался еси, блаженне. Господу от юности вверился еси, обиталище Духа явился еси, отче преподобне, Христа Бога моли даровати нам велию милость.

Кондак преподобному Стилиану, глас четвертый:

От утробы матерния освятивыйся, яко Божественный Самуил, богоносне, подвижнически Христа Бога прославил еси. Темже исцелений показался еси кладязь и предстатель божественный отроков и младенцев, Христос бо тя светло славит, Егоже измлада, Стилиане, прославил еси.

Молитва святому преподобному Стилиану Пафлагонскому (Чадозаступнику):

О священная главо, преподобне отче Стилиане! Подвигом добрым подвизався на земли, на Небесех восприял еси венец правды от Христа Бога нашего. Темже на твой святый образ взирающе, о преславнем скончании жительства твоего радуемся и чтим святую память твою. Почитающе же твое велие дерзновение пред Господем, со смиреним молим тя, преподобне отче: воззри убо благосердым оком любве твоея на нас, недостойных рабов твоих, и потщися богоприятным твоим ходатайством испросити у Царя царствующих и Господа господствующих, да пробавит великия и богатыя милости Своя на нас, грешных, да подаст нам дух правыя веры, дух любве, мира и радости о Дусе Святе, да избавит ны от всяких бед и напастей, да ниспослет вся полезная ко спасению душ наших. Ей, святче Божий, не посрами упования нашего, еже на тя по Бозе и Богородице возлагаем, но буди нам помощник и покровитель во спасение, да сподобимся скончати житие наше в покаянии и восприимем вечная благая во Царствии Христа Бога нашего, и прославим человеколюбие Отца и Сына и Святого Духа, и твое святое заступление, ныне и присно и во веки веков. Аминь.

Преподобный Стилиан Пафлагонский

Кондак 1

Избранный чудотворче и угодниче Христов, скорый помощниче и молитвенниче наш, преподобне отче Стилиане, прославляя прославльшаго тя Господа, похвальная пения приносим ти, чтущии святую память твою. Ты же, предстоя пред Престолом Вседержителя, воздвигни о нас, грешных, многомощныя молитвы твоя, взывающих ти: Радуйся, преподобне отче Стилиане, преславный чудотворче.

Икос 1

Ангелов Творец и всея твари Создатель еще от утробы матерния избра тя, преподобне Стилиане, чудным житием своим на земли прославляти Троицу Святую, по блаженней же кончине твоей учини тя со святыми Ангелы воспевати Ему песнь сладчайшую на небеси. Мы же, таковому Божию благоволению о тебе радуяся, песнословим тя:

Радуйся, Святыя Церкви похвало.

Радуйся, Пафлагонии крепкий столпе.

Радуйся, добраго воспитания цвете благоуханный.

Радуйся, Божественнаго избрания сосуде благословенный.

Радуйся, Господа от юности возлюбивый.

Радуйся, веру и любовь в сердце своем возрастивый.

Радуйся, целомудрие души своея сохранивый.

Радуйся, смирение великое стяжавый.

Радуйся, пустыни великий молитвенниче.

Радуйся, благодатный иноков путевождю и наставниче.

Радуйся, отче Стилиане, преславный чудотворче.

Кондак 2

Видя чистоту сердца твого, отче Стилиане, Всевидец Господь исполни душу твою благодати Своея и освяти ю в сосуд Духа Святаго, да видящии тя восхвалят Бога Вседержителя и, вземши на рамо кийждо крест свой, во след Ему грядет, воспевая: Аллилуиа.

Икос 2

Разумом, просвещенным от Господа, исполнен быв, преподобне, не попустил еси страстем в души твоей воцаритися, силою Божиею вся хитрости тленнаго и временнаго жития отражая. Темже, усердие твое похваляюще, вопием ти:

Радуйся, земли Пафлагонския похвало.

Радуйся, Церкви Христовы зерцало.

Радуйся, на земли, яко на небеси поживый.

Радуйся, невозвратно за Господом последовавый.

Радуйся, молитвы, поста и воздержания хранителю.

Радуйся, истиннаго богопочитания насадителю.

Радуйся, смирением мир души своея стяжавый.

Радуйся, тленная и временная мира сего презревый.

Радуйся, от Господа дар чудотворения получивый.

Радуйся, врага злокозненнаго низложивый.

Радуйся, отче Стилиане, преславный чудотворче.

Кондак 3

Силою Божественныя любве, еюже исполнено бысть сердце твое, укрепляемый, святе Стилиане, вся имения твоя нищей братии раздал еси и, ко братии иночестей сопричтенный, сладце воспевал еси Богу: Аллилуиа.

Икос 3

Имея в сердце своем желание велие к непрестанному восхождению лествицею духовною и уединение возлюбив, братию свою оставил еси, подвижниче многотрудный, и в пещеру преселився, дни и нощи в славословии Бога пребывал еси. Таковому твоему дерзновению дивящеся, восхваляем тя:

Радуйся, Господа всем сердцем возлюбивый.

Радуйся, Царствия Небеснаго взыскавый.

Радуйся, мудре ко спасению стопы своя направивый.

Радуйся, Бога добродетельным житием прославивый.

Радуйся, великих дарований вместилише.

Радуйся, трезвения и воздержания хранилище.

Радуйся, яко житию безплотных поревновал еси.

Радуйся, яко подвигом древних отцев пустынножителей подражал еси.

Радуйся, Божественною благодатию сердца молящихся тебе напаяяй.

Радуйся, благодатныя исцеления детем малым источаяй.

Радуйся, отче Стилиане, преславный чудотворче.

Кондак 4

Бурю помыслов и страстей безбедно претерпел еси, отче преподобне, и пристанище тихое Христа обрел еси, Емуже во мнозе долготерпении неленостно работая воспевал еси: Аллилуиа.

Икос 4

Слышавше о богоугоднем житии твоем, отче Стилиане, многия страждущия и немощныя к пещере твоей прихождаху и, наставлением твоим внимая, в истинней вере укрепляхуся, в печалех утешение обретаху и во гресех слезное покаяние приношаху. Сего ради ублажаем тя:

Радуйся, светильниче присногорящий, путь спасения освещаяй.

Радуйся, крине пустынный, святостию благоухаяй.

Радуйся, рабе Господень, благий и верный.

Радуйся, небесными даровании обогащенный.

Радуйся, яко пред Престолом Царя Небеснаго предстоиши.

Радуйся, яко Богу молитвы о нас приносиши.

Радуйся, Господа кроткий и смиренный служителю.

Радуйся, заповедей Божиих ревностный исполнителю.

Радуйся, яко милосердие Отца Небеснаго к нам приклоняеши.

Радуйся, яко любовию к Богу сердца наша исполняеши.

Радуйся, отче Стилиане, преславный чудотворче.

Кондак 5

Боготечней звезде уподобился еси, преподобне отче, светом благочестиваго жития твоего пустыню освящая и вся приходящия к тебе учением Христовым просвещая и веровати во Единаго истиннаго Бога научая, да купно с тобою воспевают: Аллилуиа.

Икос 5

Видевше, яко чада малыя незлобиви суть, и словесем Евангельским внимая: «Аминь глаголю вам, аще не обратитеся и будете яко дети, не внидете в Царство Небесное», веру таковую стяжал еси, преподобне отче, и благодать от Господа молитися о чадех восприял еси. Мы же, воспевая величия Божия, на тебе явленная, глаголем ти сице:

Радуйся, младенцев благостный попечителю.

Радуйся, матерей болезнующих о чадех своих утешителю.

Радуйся, возложением рук немощи младенцев исцелявый.

Радуйся, веру чистую и искреннюю в себе стяжавый.

Радуйся, яко чадом малым покровительствуеши.

Радуйся, яко за безчадных родителей о даровании им чад Бога умоляеши.

Радуйся, душевныя и телесныя недуги исцеляяй.

Радуйся, ко благочестивому житию побуждаяй.

Радуйся, теплый наш молитвенниче.

Радуйся, милостивый наш заступниче.

Радуйся, отче Стилиане, преславный чудотворче.

Кондак 6

Проповедником евангельския кротости был еси, преподобне отче, образом жития твоего всем показуя, яко вся возможна человеку о укрепляющем Бозе, Егоже благодатию и наша сердца во истинней вере укрепи и буди нам скорый помощник и теплый молитвенник, вопиющим о тебе Богу: Аллилуиа.

Икос 6

Возсиял еси яко светильник, на свещнице церковней поставленный, святе Стилиане, да вси видящии многая чудеса исцелений тобою творимая и присно являемая, восхвалят Бога, дивнаго во святых Своих, тебе же воспоют сицевая:

Радуйся, равноангельный слуго Господень.

Радуйся, обиталище Духа Святаго.

Радуйся, благочестием себе украсивый.

Радуйся, в сосуд благоуханный душу твою обративый.

Радуйся, яко на земли имя твое прославляется.

Радуйся, яко сладостию небесною наслаждаешися.

Радуйся, жажду духовную утоливый.

Радуйся, на небесех обитель себе сотворивый.

Радуйся, яко со Ангелы Господа воспеваеши.

Радуйся, яко в лице преподобных пребываеши.

Радуйся, отче Стилиане, преславный чудотворче.

Кондак 7

Хотя явити миру новаго источника милости Своея неоскудевающия, Христе Боже наш, даровал еси нам предстателя и молитвенника к Тебе дерзновеннаго – преподобнаго Стилиана, да Тя, Всеблагаго Бога нашего славяще, во умилении сердечнем зовем: Аллилуиа.

Икос 7

Новаго ходатая и заступника имамы тя пред Богом, блаженне Стилиане, ты бо душею кроткою и милостивою непрестанно молишися Господеви, о еже ниспослати благодатную помощь всем людем, славящим Его, Всеблагаго Отца нашего Небеснаго, и вопиющим ти сице:

Радуйся, ароматы райскими благоухаяй.

Радуйся, неисчерпаемый источниче исцелений.

Радуйся, усердный о нас молитвенниче.

Радуйся, обидимых крепкий заступниче.

Радуйся, добродетельнаго жития учителю.

Радуйся, немощных искусный целителю.

Радуйся, в любви к Богу пламеневый.

Радуйся, небесных благ возжелевый.

Радуйся, праведности нас научаяй.

Радуйся, любити Бога и ближняго своего нас наставляяй.

Радуйся, отче Стилиане, преславный чудотворче.

Кондак 8

Странника и пришельца помышлял еси себе быти в мире сем, преблаженне отче, отечествия горняго взыскуя и Небеснаго Иерусалима гражданином быти желая, в немже ныне сладце воспеваеши Богу песнь: Аллилуиа.

Икос 8

Весь распалился еси любовию к Сладчайшему Иисусу, преподобне отче, дни и нощи в молитве и подвигах пребывая и, Духа Святаго исполнився, всему миру молитвенник изряден показался еси, реки чудес источаяй. Сего ради, почитая святую память твою, во умилении зовем:

Радуйся, на помощь тя призывающих спасаяй.

Радуйся, недужных и страждущих исцеляяй.

Радуйся, вражиих стрел прогонителю.

Радуйся, диавольских наветов разорителю.

Радуйся, яко Ангелы труды твоими возвеселил еси.

Радуйся, яко диавола подвигами твоими посрамил еси.

Радуйся, непоколебимый столпе иночествующих.

Радуйся, милостивый покровителю в супружестве живущих.

Радуйся, присный о нас к Богу молитвенниче.

Радуйся, в бедах скорый наш заступниче.

Радуйся, отче Стилиане, преславный чудотворче.

Кондак 9

Всякое естество удивил еси, предивне отче, единаго бо Бога возлюбив, в пустыни взыскал еси Того равноангельным житием твоим, ныне же на небесех блаженства райскаго наслаждаешися и воспеваеши Пресвятей Троице: Аллилуиа.

Икос 9

Ветия многовещанныя не могут по достоянию воспети вся подвиги и труды твоя, преподобне отче, во славу Господа тобою творимыя. Мы же, душами умиляяся, богоугодное житие твое восхваляем пении таковыми:

Радуйся, истинному служению Богу нас научаяй.

Радуйся, сердца наша радости исполняяй.

Радуйся, яко безропотному несению креста нас научаеши.

Радуйся, яко недуги наша душевныя и телесныя исцеляеши.

Радуйся, благочестия водами жаждущия спасения напоивый.

Радуйся, светом Богопознания верныя просветивый.

Радуйся, во бранех со страстьми помощниче.

Радуйся, младенцев от недугов защитниче.

Радуйся, лампадо любве неугасимая.

Радуйся, лествице на небеса возводящая.

Радуйся, отче Стилиане, преславный чудотворче.

Кондак 10

Спастися хотящии от различных напастей, бед и скорбей, тебе, преподобне отче, предстателя крепкаго и поборника непостыднаго имеют: приял бо еси от Бога благодать во всяких бедах заступати призывающия на помощь имя твое, да молитвами твоими ограждаеми, благодарно воспеваем о тебе Спасителю нашему: Аллилуиа.

Икос 10

Стена твердая и ограждение крепкое явился еси миру, преподобне отче Стилиане, ходатайством бо твоим Церковь Святая укрепляется, мир водворяется и вся во благо устрояется. Сего ради приими от нас сицевая:

Радуйся, от пагубных ересей отвращаяй.

Радуйся, очи наша душевныя просвещаяй.

Радуйся, яко благодатию Божиею сердца наша укрепляеши.

Радуйся, яко о прощении грехов наших Господа умоляеши.

Радуйся, спасению душ наших пособствуяй.

Радуйся, на путь праведный нас направляяй.

Радуйся, от козней вражиих защитниче.

Радуйся, на Страшнем Суде заступниче.

Радуйся, щедрот Божиих милостивый подателю.

Радуйся, у Престола Вседержителя предстателю.

Радуйся, отче Стилиане, преславный чудотворче.

Кондак 11

Песнь хвалебную приносим ти, преблаженне отче, почитающии святую память твою, ты же усердно моли Святую Троицу о еже избавитися нам от падений греховных и жизнь вечную наследовати, да непрестанно зовем Богу: Аллилуиа.

Икос 11

Светозарный светильник, от Истиннаго Света озаряемый, сущим на земли являешися, преподобне отче Стилиане, сердца бо верных просвещаеши и к разуму Божественному вся наставляеши, да со умилением зовут ти сицевая:

Радуйся, на земли яко Ангел поживый.

Радуйся, на небеси со святыми пребываяй.

Радуйся, Господу житием своим угодивый.

Радуйся, последователем стопам Его себе показавый.

Радуйся, яко венец безсмертия от Бога приял еси.

Радуйся, яко райское блаженство со святыми унаследовал еси.

Радуйся, во бдении пребывати нас наставляяй.

Радуйся, молитвенно нас покрываяй.

Радуйся, в тяжких обстояниих наш помощниче.

Радуйся, сирых и немощных заступниче.

Радуйся, отче Стилиане, преславный чудотворче.

Кондак 12

Благодать данную ти от Господа вемы, преподобне отче, во еже не токмо недужныя младенцы исцеляти и заступником и покровителем им быти, обаче и всему христианскому роду милости своя низпосылати; веруем, яко и по смерти вся сия твориши всем, с верою к чудотворным иконам твоим припадающим, Богу же о тебе вопиющим: Аллилуиа.

Икос 12

Поюще славное житие твое и о блаженнем отшествии твоем на небеса радующеся, пречудне отче Стилиане, ублажаем тя, яко угодника Божия и дивнаго чудотворца. Ты же, Богу предстоя, присно поминай нас, совершающих любовию память твою и со умилением зовущих ти таковая:

Радуйся, житие твое благочестиво скончавый.

Радуйся, в радость Господа твоего вшедый.

Радуйся, Горняго Иерусалима честнейший гражданине.

Радуйся, райских обителей достойный обитателю.

Радуйся, чтущих тя благодатный наставниче.

Радуйся, притекающих к тебе благостный покровителю.

Радуйся, младенцев целителю.

Радуйся, юных наставниче.

Радуйся, всех призывающих тя милуяй и питаяй.

Радуйся, и по кончине твоей исцеления обильно источаяй.

Радуйся, отче Стилиане, преславный чудотворче.

Кондак 13

О всехвальный и предивный угодниче Христов, преподобне отче Стилиане! Приими сие малое моление, от усердия нашего в похвалу тебе приносимое, и покрый молитвами твоими всех притекающих к тебе с верою и любовию, да покаяние наше приимше, Господь и Бог наш простит нам вся грехи наша и сопричастники Царствия Своего соделает, да выну с тобою и со всеми святыми воспеваем Ему: Аллилуиа.

(Этот кондак читается трижды, затем икос 1 и кондак 1)

О священная главо, преподобне отче Стилиане! Подвигом добрым подвизався на земли, на небесех восприял еси венец правды от Христа Бога нашего. Темже на твой святый образ взирающе, о преславнем скончании жительства твоего радуемся и чтим святую память твою. Почитающе же твое велие дерзновение пред Господем, со смирением молим тя, преподобне отче: воззри убо благосердым оком любве твоея на нас, недостойных рабов твоих, и потщися богоприятным твоим ходатайством испросити у Царя царствующих и Господа господствующих, да пробавит великия и богатыя милости Своя на нас, грешных, да подаст нам дух правыя веры, дух любве, мира и радости о Дусе Святе, да избавит ны от всяких бед и напастей, да ниспослет вся полезная ко спасению душ наших. Ей, святче Божий, не посрами упования нашего, еже на тя по Бозе и Богородице возлагаем, но буди нам помощник и покровитель во спасение, да сподобимся скончати житие наше в покаянии и восприимем вечная благая во Царствии Христа Бога нашего, и прославим человеколюбие Отца и Сына и Святого Духа, и твое святое заступление, ныне и присно и во веки веков. Аминь.

Акафист Стилиану