Тропарь сретения

На Малей вечерни, на Господи воззвах, стихиры на 4, глас 1.
Подобен: Небесных чинов:

Неописанное Слово и пресущное, небесными престолы носимое со славою, приемлет на руки Симеон, вопия: ныне отпусти мя, по глаголу Твоему Спасе, верных спасение и наслаждение.

Младенца видев Тя, вопияше чудный Симеон: превечнаго Слова, от Отца рожденна, страшуся и боюся руками моими объяти, Владыко: но с миром раба Твоего иский, ныне отпусти яко милосерд.

Ныне да отверзется дверь небесная: Иже от Отца без семене рождься Бог Слово, родися от Девы, плоть прием человечу волею, обновити естество яко благ, и посадити одесную Отца.

Слава, и ныне, глас 4, самогласен:

Днесь Священная Мати, и святилища вышши, во святилище прииде, явльшая миру Законодавца, и закона Творца, Егоже на руки прием старец Симеон, радуяся взываше: ныне отпущаеши раба Твоего, яко видех Тя Спаса душ наших.

На стиховне стихиры, глас 2:
Подобен: Доме Евфрафов:

Днесь Спаситель, яко Младенец принесен бысть в церковь Господню: и руками престарелыми старец Того подъемлет.

Стих: Ныне отпущаеши раба Твоего, Владыко, по глаголу Твоему с миром.

Угль проявлейся, Божественному Исаии Христос, яко клещами руками Богородицы, ныне старцу дается.

Стих: Свет во откровение языков, и славу людей Твоих Израиля.

Страхом же и радостию, на руках Владыку, Симеон держа, живота прошаше разрешения, поя Богоматерь.

Слава, и ныне, глас и подобен тойже:

Приими, о Симеоне! Всечистая вопияше, во объятия яко Младенца Господа славы, и мира спасение.

Тропарь, глас 1:

Радуйся благодатная Богородице Дево, из Тебе бо возсия Солнце правды Христос Бог наш, просвещаяй сущия во тьме: веселися и ты старче праведный, приемый во объятия Свободителя душ наших, дарующаго нам воскресение.

Таже, ектениа малая. И отпуст.

На Велицей вечерни,
Блажен муж: 1-й антифон.

На Господи воззвах, поем стихиры на 8, глас 1-й самогласны:

Глаголи Симеоне, Кого нося на руку в церкви радуешися? Кому зовеши и вопиеши: ныне свободихся, видех бо Спаса моего: Сей есть от Девы рождейся: Сей есть от Бога Бог Слово, воплотивыйся нас ради, и спасый человека, Тому поклонимся.

Приими, Симеоне, Егоже под мраком Моисей законополагающа, провиде в Синаи, Младенца бывша, закону повинующася: Сей есть законом глаголавый, Сей есть во пророцех реченный: воплотивыйся нас ради, и спасый человека, Тому поклонимся.

Приидем и мы, песньми божественными Христа усрящем, и приимем Его, Егоже спасение Симеон виде, Сей есть, Егоже Давид провозвести, Сей есть во пророцех глаголавый: воплотивыйся нас ради, и законом вещавый, Тому поклонимся.

Слава, и ныне, глас 6.

Да отверзется дверь небесная днесь: безначальное бо Слово Отчее, начало приим под леты, не отступль Своего Божества, от Девы яко Младенец четыредесятодневен, Материю вольне приносится в церковь законную: и Сего на руки приемлет старец, отпусти зовый раба Владыко: ибо очи мои видеста спасение Твое. Пришедый в мир спасти род человечь, Господи слава Тебе.

Вход. Прокимен дне: и чтения 3.

Исхода чтение.

Глагола Господь к Моисею в день он, воньже изведе сыны Израилевы от земли Египетския, глаголяй: Освяти Мне всякаго первенца перворожденнаго, разверзающаго ложесна в сынех Израилевых. И иде Моисей, и собра вся люди, и рече: Помните день сей, воньже изыдосте от земли Египетския, из дому работы. рукою бо крепкою Господь изведе нас оттуду: И сохраните закон Его. И будет, аще яко аще введет вас Бог в землю Хананейску, имже образом клятся отцем твоим. И отлучиши всякаго первороднаго, разверзающаго ложесна, мужеск пол Господу. И будет, яко аще вопросит тя по сих сын твой, глаголя: что сие? и речеши ему: яко рукою крепкою изведе нас Господь от земли Египетския, из дому работы. Егда бо ожесточи фараона не отпустити нас, поби Господь вся первородныя в земли Египетстей, от первородных человеческих, даже до первородных скотских. Сего ради аз жертву Господу приношу: всякаго отверзающаго ложесна, мужеска полу, и всякаго первороднаго сынов моих избавлю. И будет в знамение непоколебимо пред очима твоима. Яко тако рече Господь Бог Вседержитель: яко перворожденная сынов твоих даси Мне. И будет, всяк иже аще родит отроча мужеск пол, в день осмый обрежете ему плоть крайнюю его: И тридесять и три дни не внидет во святилище Божие ко священнику, дондеже исполнятся дние очищения. И по сих принесеши Господу агня единолетно, непорочно, во всесожжение, и птенца голубина, или горличищна, при дверех скинии свидения, ко святителю. Или вместо сих принесеши пред Господем два птенца голубина, или два горличища, и помолится о нем священник. Яко воздаяние воздающии сии Мне суть, от всех сынов Израилевых, и приях их, И освятих я Мне, вместо первородных Египетских, воньже день поразих всякаго первенца в земли Египетстей, от человека до скота: рече Бог Вышний Святый Израилев.

Пророчества Исаиина чтение.

Бысть в лето, в неже умре Озиа царь, видех Господа седяща на престоле высоце, и превознесенне, и исполнь дом славы Его. И серафими стояху окрест Его, шесть крил единому, и шесть крил другому. И двема убо покрываху лица своя, двема же покрываху ноги своя, и двема летаху. И взываху друг ко другу, и глаголаху: Свят, Свят, Свят Господь Саваоф, исполнь вся земля славы Его. И взятся наддверие от гласа имже вопияху, и дом исполнися дыма. И рех: о окаянный аз! Яко умилихся, яко человек сый, и нечисты устне имея, посреде людей нечистая устна имущих аз живу: и Царя Господа Саваофа видех очима моима. И послан бысть ко мне един от серафимов, и в руце своей имяше угль огненный, егоже клещами взят от жертвенника. И прикоснуся устом моим, и рече: се прикоснуся сие устнам твоим, и отымет беззакония твоя, и грехи твоя очистит. И слышах глас Господа глаголющаго: кого послю, и кто пойдет к людем сим? И рекох: се аз есмь, посли мя. И рече: иди, и рцы людем сим: слухом услышите, и не уразумеете, и видяще узрите, и не увидите. Одебеле бо сердце людей сих, и ушима своима тяжко слышаша, и очи своя смежиша, да не како увидят очима, и ушима услышат, и сердцем уразумеют, и обратятся, и исцелю я. И рекох: доколе, Господи? И рече: дондеже аще запустеют гради, от еже не пожити: и доми, от еже не быти человеком, и земля оставлена будет пуста. И по сих продолжит Бог человеки, и умножатся оставльшиися на земли.

Пророчества Исаиина чтение.

Се Господь седит на облаце легце, и приидет во Египет, и сотрясутся рукотворенная Египетская от лица Его: и сердце их умалится в них. И смятется дух их в них, и совет их разорит. И предаст Египта в руки господей, зане сия глаголет Господь Владыка Святый Саваоф: Пиют египтяпе воду яже при мори, Река же оскудеет и изсхнет. Сия глаголет Господь: где суть ныне премудрии твои? да возвестят ти, и да рекут тебе, что совеща Господь Саваоф на Египта. В день он будут египтяне в страсе и трепете, от лица руки Господа Саваофа, юже Он возложит на них. И будет олтарь Господень в стране Египетстей, и столп в пределех его Господеви. И будет в знамение в веки Господу Саваофу, в стране Египетстей: яко воззовут ко Господу, и послет им Господь человека, иже спасет их. И ведом будет Господь египтяном, и познают египтяне Господа в день он, и сотворят жертву и дар, и помолятся, и воздадят обеты своя Господеви.

На литии стихиры самогласны, глас 1.

Ветхий деньми, Иже закон древле в Синаи дал Моисею, днесь Младенец видится, и по закону, яко закона Творец, закон исполняя, во храм приносится, и старцу дается. Прием же Сего Симеон праведный, и обещаний сбытие видев совершаемое, радостно вопияше: видеша очи мои, еже от века таинство сокровенное, напоследок дний сих явльшееся, свет разоряя неверных языков омрачение, и славу дая новоизбранну Израилю. Темже отпусти раба Твоего от соуз сея плоти, к нестареемому и чудному некончаемому животу, подая мирови велию милость.

Днесь древле Моисею в Синаи закон подавый, законным повинуется велением, нас ради яко милосерд по нам быв. Ныне Чистый Бог, яко Отроча Свято, ложесна разверз Чистыя, Себе Самому яко Бог приносится, законныя клятвы свобождая, и просвещая души наша.

Глас 2.

Емуже вышнии служителие с трепетом молятся, долу ныне Симеон вещными руками прием, Бога человеком соединитися проповеда, и Человека небесна Бога видяй, отлучаяся сущих на земли радостно взываше: Иже во тьме сущим невечерний свет открываяй, Господи слава Тебе.

Днесь Симеон на руки Господа славы подъемлет, Егоже под мраком первее Моисей виде, на горе Синайстей скрижали дающа ему: Сей есть, Иже во пророцех глаголяй, и закона Творец. Сей есть, Егоже Давид возвещает: Иже всем страшный, имеяй велию и богатую милость.

Священнаго священная Дева принесе во святилище святителю, простер же руце Симеон прият Сего радуяся, и возопи: ныне отпущаеши раба Твоего, Владыко, по глаголу Твоему, с миром, Господи.

Зиждитель небесе и земли на руках ношашеся, святым Симеоном старцем днесь: той бо Духом Святым глаголаше: ныне свободихся, видех бо Спаса моего.

Днесь Симеон старец во храм входит, радуяся духом, Законодавца Моисеева, и исполнителя закона на руки восприяти. Он убо мраком и гласом неявленным боговидец сподобися быти, покровенным лицем евреев неверная сердца изобличи: сей же первовечное Слово Отчее воплощенное понесе, и языком откры свет, Крест и Воскресение: и Анна пророчица показася, Спаса Избавителя Израилю проповедающи. Тому возопиим Христу Богу нашему: Богородицы ради помилуй нас.

Слава, глас 5.

Испытайте Писания, якоже рече во Евангелиих Христос Бог наш: в них бо обретаем Того раждаема, и пеленами повиваема, в яслех полагаема, и млеком питаема, обрезание приемлюща, и Симеоном носима, не мнением, ни привидением, но истиною мирови явльшася. К Немуже возопиим: превечный Боже, слава Тебе.

И ныне, глас тойже.

Ветхий деньми младенствовав плотию, Материю Девою в церковь приносится, Своего закона исполняя обещание. Егоже Симеон приим глаголаше: ныне отпущаеши с миром, по глаголу Твоему, раба Твоего: видеша бо очи мои спасение Твое Святый.

На стиховне стихиры, глас 7.

Украси твой чертог, Сионе, и подыми Царя Христа, целуй Марию, Небесную Дверь: Та бо престол Херувимский явися, Та носит Царя Славы. Облак света есть Дева, носящи на руках Сына прежде денницы, Егоже приемь Симеон на руки своя, проповедуя людям Владыку Сего быти живота и смерти и Спаса миру.

Стих: Ныне отпущаеши раба Твоего, Владыко, по глаголу Твоему, с миром.

Возсиявшаго прежде век от Отца, напоследок же от ложесн Девических носящи в церковь неискусобрачная Мати, в Синайстей горе Законоположившаго, повелению законному повинующася принесе святителю старцу и праведнику, Христа Господа видети обещанна. Егоже приемь Симеон на руки своя, возрадовася, вопия: Бог есть Сей, Отцу Соприсносущный, Избавитель душ наших.

Стих: Свет во откровение языков и славу людей Твоих Израиля.

Носимаго на колеснице Херувимстей и Певаемаго в песнех Серафимских носящи на руку Богородица Мариа, неискусобрачно из Нея Воплощшагося, Законодавца, закона исполняюща чин, подаяше рукам старца иерея. Живот же носяй живота прошаше разрешения, глаголя: Владыко, ныне отпусти мя возвестити Адаму, яко видех непреложна Отроча, Бога Превечнаго и Спаса мира.

Слава, и ныне, глас 8. Андреа Критскаго:

Иже на Херувимех носимый и певаемый от Серафим, днесь в Божественное святилище по закону приносим, на старческих, яко на престоле седит руках и от Иосифа приемлет дары Боголепно, яко супруг горличищ, нескверную Церковь и от язык новоизбранныя люди, голуби на же два птенца, яко Начальник Ветхаго же и Новаго. Еже к Нему обещания Симеон конец прием, благословя Деву Марию Богородицу, страстей образы, Иже из Нея, провозгласи и от Него прошаше отпущения, вопия: ныне отпусти мя, Владыко, якоже прежде возвести ми, яко видех Тя, Первовечнаго Света и Спаса Господа христоименитым людем.

Таже, Ныне отпущаеши: Трисвятое и по Отче наш: На благословении хлебов тропарь праздника трижды

На Утрени

На Бог Господь, тропарь праздника, трижды.

По 1-м стихословии седален, глас 1. Самоподобен:

Лик ангельский да удивится чудеси: земнии же гласы возопием пение, зряще неизреченное Божие снизхождение: Егоже бо трепещут небесныя силы, ныне старчи объемлют руце Единаго Человеколюбца.

Слава, и ныне, тойже.

По 2-м стихословии седален, глас 1.
Подобен: Лик ангельский:

Сый со Отцем на престоле святем, пришед на землю от Девы родися, и Младенец бысть леты сый неописан, Егоже приим Симеон на руки, радуяся глаголаше: ныне отпущаеши Щедре, возвеселив раба Твоего.

Слава, и ныне, тойже.

По полиелеи седален, глас 4.
Подобен: Удивися Иосиф:

Младенствуеши мене ради, Ветхий деньми: чищением приобщаешися, чистейший Боже, да плоть увериши мне юже от Девы. И сим Симеон поучаяся, позна Тя Бога явльшагося плотию. И яко жизнь лобзаше, и радуяся старчески взываше: отпусти мене, Тебе бо видех Живота всяческих.

Слава, и ныне, тойже:

Степенна, 1-й антифон 4-го гласа.

Прокимен, глас 4: Помяну имя Твое во всяком роде и роде. Стих: Отрыгну сердце мое слово благо.

Всякое дыхание: Стих: Хвалите Бога во святых Его:

Евангелие Луки, зачало 8.

Бе человек во Иерусалиме, eмуже имя Симеон: и человек сей праведен и благочестив, чая утехи Израилевы: и Дух бе Свят в нем.

Тогда был в Иерусалиме человек, именем Симеон. Он был муж праведный и благочестивый, чающий утешения Израилева; и Дух Святый был на нем.

И бе eму обещано Духом Святым, не видети смерти, прежде даже не видит Христа Господня.

Ему было предсказано Духом Святым, что он не увидит смерти, доколе не увидит Христа Господня.

И прииде духом в церковь. И eгда введоста родитeля Oтроча Иисуса, сотворити има по обычаю законному о Нем,

И пришел он по вдохновению в храм. И, когда родители принесли Младенца Иисуса, чтобы совершить над Ним законный обряд,

И той прием Eго на руку своeю, и благослови Бога, и рече:

Он взял Его на руки, благословил Бога и сказал:

Ныне отпущаеши раба Твоего, Владыко, по глаголу Твоему, с миром:

Ныне отпускаешь раба Твоего, Владыко, по слову Твоему, с миром,

Яко видесте oчи мои спасение Твое,

Ибо видели очи мои спасение Твое,

Eже eси уготовал пред лицем всех людей:

Которое Ты уготовал пред лицем всех народов,

Свет во откровение языком, и славу людей Твоих Израиля.

Свет к просвещению язычников и славу народа Твоего Израиля.

По 50-м псалме стихира, глас 6:

Да отверзется дверь небесная днесь: безначальное бо Слово Отчее, начало приим под леты, не отступль Своего Божества, от Девы яко Младенец четыредесятодневен, Материю вольне приносится в церковь законную: и Сего на руки приемлет старец, отпусти зовый раба Владыко: ибо очи мои видеста спасение Твое. Пришедый в мир спасти род человечь, Господи слава Тебе.

Канон, глас 3. Егоже краестрочие: Христа радостне старец объемлет.
Творение господина Космы. Ирмосы по дважды, тропари на 12:

Песнь 1.

Ирмос: Сушу глубородительную землю солнце нашествова иногда, яко стена бо огусте обаполы вода, людем пешомореходящим, и богоугодно поющим: поим Господеви, славно бо прославися.

Да каплют воду облацы, Солнце бо на облаце легце носимо настало есть, на нетленную руку, Христос в церкви, яко Младенец. Темже вернии возопиим: поим Господеви, славно бо прославися.

Крепитеся руце Симеони старостию ослабленнии, лыста же претружденная старча, правобыстро движитася Христу на сретение, лик со безплотными составльше, поим Господеви, славно бо прославися.

Разумом простертая небеса веселитеся, и радуйся земле: из пребожественных бо недр хитрец прошед Христос, Материю Девою Богу Отцу приносится Младенец, Иже прежде всех: славно бо прославися.

Катавасиа, ирмос тойже.

Песнь 3.

Ирмос: Утверждение на Тя надеющихся, утверди Господи Церковь, юже стяжал еси честною Твоею кровию.

Перворожден из Отца прежде век, перворожден Младенец из Девы Нетленныя, Адаму руку простирая явися.

Младоумна бывша прелестию первозданнаго, паки исправляяй Бог Слово, младенствовав явися.

Земли исчадие, паки потекшее в ню, Божества сообразное естество Зиждитель, яко непреложне, младенствовав яви.

Седален, глас 4.
Подобен: Удивися Иосиф:

На горе Синайстей древле виде Моисей задняя Божия, и тонкий Божественный глас сподобися во мраце же и вихре слышати: ныне же Симеон воплощеннаго Бога, непреложне нас ради, на руки прият, и радостно тщашеся ити от сущих зде к животу вечному. Темже вопияше: ныне отпущаеши раба Твоего, Владыко.

Слава, и ныне, тойже.

Песнь 4.

Ирмос: Покрыла есть небеса добродетель Твоя Христе, из Кивота бо прошед, Святыни Твоея нетленныя Матере, в храме славы Твоея явился еси, яко Младенец руконосимь: и исполнишася вся Твоего хваления.

Радуйся Симеоне, неизреченных таинниче, Богородица вопияше, о Немже от Святаго древле известися тебе Духа, младенствовавшаго Слова Христа на руки приими, зовый Ему: исполнишася вся Твоего хваления.

На Негоже уповал еси Симеоне, возраст детищный радуяся подыми Христа, Израиля Божественнаго утешение, закона Творца и Владыку, исполняющаго закона чин, зовый ему: исполнишася вся Твоего хваления.

Видя Симеон Слово Безначальное, с плотию яко на престоле херувимстем Девою носимо, Виновнаго еже быти всяческих, яко Младенцу дивяся вопияше Ему: исполнишася вся Твоего хваления.

Песнь 5.

Ирмос: Яко виде Исаиа образно на престоле превознесена Бога, от ангел славы дориносима, о окаянный вопияше аз: провидех бо воплощаема Бога, Света невечерня, и миром владычествующа.

Разумев Божественный старец проявленную древле пророку славу, руками Слово зря Матерними держимо: о радуйся вопияше Чистая, яко престол бо держиши Бога, Света невечерня, и миром владычествующа.

Поклонься старец, и стопам Божественне прикоснувся Неискусобрачныя и Богоматере: Огнь рече носиши Чистая, Младенца боюся объяти Бога, Света невечерня, и миром владычествующа.

Очищается Исаиа от серафима угль прием, старец вопияше Богоматери: Ты якоже клещами руками просвещаеши мя, подавши Егоже носиши, Света невечерня, и миром владычествующа.

Песнь 6.

Ирмос: Возопи к Тебе видев старец очима спасение, еже людем прииде от Бога: Христе Ты Бог мой.

Сиону Ты камень возложился еси, непокоривым претыкание, и соблазна камень: нерушимое верных спасение.

Известне нося начертание, иже прежде век Тя израстившаго, земных за милосердие ныне немощию обложися.

Сыну Вышняго, Сыну Девы, Богу Отрочати бывшему, поклоншася Тебе ныне отпусти с миром.

Кондак, глас 1:

Утробу Девичу освятивый рождеством Твоим, и руце Симеони благословивый, якоже подобаше предварив, и ныне спасл еси нас Христе Боже: но умири во бранех жительство, и укрепи верныя люди Твоя, ихже возлюбил еси, Едине Человеколюбче.

Икос: К Богородице притецем, хотящии Сына Ея видети, к Симеону носима, Егоже с небесе безплотнии видяще, дивляхуся глаголюще: чудная зрим ныне и преславная, непостижимая, несказанная. Иже бо Адама создавый, носится яко Младенец: Невместимый вмещается на руках старчих: Иже в недрех неописанных сый Отца Своего, волею описуется плотию, а не Божеством, Един Человеколюбец.

Песнь 7.

Ирмос: Тебе во огни оросившаго отроки богословившия, и в Деву нетленну всельшагося, Бога Слова поим, благочестно поюще: благословен Бог отец наших.

Адаму известити хотяй иду, во аде живущу, и Еве принести благовестие, Симеон вопияше, со пророки ликуя: благословен Бог отец наших.

Рода земна избавляяй Бог, даже до ада приидет: пленным же подаст всем оставление, и прозрение слепым, яко и немым вопити: благословен Бог отец наших.

И Твое сердце нетленная, оружие пройдет, Симеон Богородице провозгласи, на кресте зрящи Твоего Сына, Емуже вопием: благословен Бог отец наших.

Песнь 8.

Ирмос: Нестерпимому огню соединившеся, благочестия предстояще юноши, пламенем же невреждени, божественную песнь пояху: благословите вся дела Господня Господа, и превозносите во вся веки.

Людие Израилевы, Твою славу Еммануила, зряще Отроча из Девы, пред лицем Божественнаго ковчега ныне ликуйте: благословите вся дела Господня Господа, и превозносите во вся веки.

Се Симеон вопияше, пререкаемое знамение Сей будет, Бог сый Отроча. Сему вернии возопиим: благословите вся дела Господня Господа, и превозносите во вся веки.

Живот сый, Сей будет падение непокоривым, младенствовав Бог Слово, яко востание всем верою поющим: благословите вся дела Господня Господа, и превозносите во вся веки.

Припевы на девятой песни.

Богородице Дево, упование христианом, покрый, соблюди и спаси на Тя уповающих.

Богородице Дево, миру благая помощнице, покрый и соблюди от всякия нужды и печали.

Богоносе Симеоне, прииди подыми Христа, Егоже роди Дева Чистая Мариа.

Объемлет руками старец Симеон Содетеля закона, и Владыку всяческих.

Не старец Мене держит, но Аз держу его: той бо от Мене отпущения просит.

Клеще таинственная, како угль носиши? Како питаеши Питающаго вся.

О дщи Фануилева! Прииди стани с нами, и благодари Христа Спаса Сына Божия.

Анна целомудренная провещает страшная, исповедающи Христа, Творца небу и земли.

Непостижимо есть содеянное о Тебе ангелом и человеком, Мати Дево Чистая.

Чистая голубица, нескверная агница, Агнца и Пастыря приносит в церковь.

О Христе всех Царю! Победы на враги верным рабом Твоим даруй.

О Христе всех Царю! Подаждь ми слезы теплы, да плачу мою душу, юже зле погубих.

Вместо Слава:

Трисиятельное и Триипостасное Божество благочестно да похвалим.

Вместо И ныне:

О Девице Марие! Просвети мою душу, помраченную люте житейскими сластьми.

Ведомо да будет, яко два сущия припевы в начале, припеваем ко ирмосу. Таже к коемуждо тропарю припеваем по 4 припевы. И по совершении 14 припевов с тропари, к катавасии поем оба лика вкупе припев 1-й: Богородице Дево, упование христианом:

Песнь 9.

Ирмос: В законе сени и писаний образ видим вернии: всяк мужеский пол, ложесна разверзая, свят Богу. Тем перворожденное Слово Отца безначальна, Сына первородящася Материю неискусомужно, величаем.

Иже древним новорожденных горличищ супруг, двоица же бяше птенцев, в нихже место божественный старец, и целомудренная Анна пророчица, от Девы Рожденному, и Сыну Единородному Отчу, в церковь приносиму, служат величающе.

Воздал еси мне, вопияше Симеон, спасения Твоего Христе радование, восприими Твоего служителя, сению претружденнаго, новая благодати священнопроповедника тайнаго, во хвалении величающа.

Священнолепно исповедашеся Анна прорицающи, целомудренная и преподобная, и старица Владыце, в церкви явственно: Богородицу же проповедающи всем сущим величаше.

Светилен самоподобен:

Духом во святилищи представ старец, на руки восприят закона Владыку, вопия: ныне соуз мя плотских разреши, якоже рекл еси, с миром: видех бо очима откровение языков, и Израилю спасение.

На хвалитех стихиры на 4, глас 4.
Подобен: Дал еси знамение:

Закон иже в Писании, исполняя Человеколюбец, в церковь ныне приносится, и Сего приемлет старыми руками Симеон старец, ныне отпущаеши мя вопия, ко оному блаженству: видех бо Тя днесь плотию мертвенною обложеннаго, животом господьствующа, и смертию владычествующа.

Свет во откровение языков, явился еси Господи, на облаце седя легце, Солнце правды, закона сеновное исполняя, и начало изъявляя новыя благодати. Тем Тя видев Симеон взываше: из истления мя разреши, яко видех Тя днесь.

Недр Родителя не отлучься Божеством, воплощься якоже изволил еси, объятиями держимь Приснодевы: на руки подался еси Богоприимца Симеона, рукою Твоею держай всяческая. Темже ныне отпущаеши мя, радостно взываше, в мире раба Твоего, яко видех Тя Владыко.

Слава, и ныне, глас 6. Германово:

На руках старческих во днешний день, яко на колеснице херувимстей, восклонитися благоизволивый Христе Боже, и нас поющих Тя, страстей мучительства призываемый избави, и спаси яко Человеколюбец.

Славословие великое. По Трисвятом ектении, тропарь праздника и отпуст, и час 1-й. На 1-м часе тропарь праздника. По Отче наш, кондак праздника, и прочее, и совершенный отпуст.

На Литургии:

Блажeнна от канона праздника, песнь 3-я и 6-я. Входное: Сказа Господь спасение Свое, пред языки откры правду Свою. Таже тропарь праздника. Слава, и ныне, кондак.

Прокимен, песнь Богородицы, глас 3: Величит душа Моя Господа, и возрадовася дух Мой о Бозе Спасе Моем. Стих: Яко призре на смирение рабы Своея, се бо от ныне ублажат Мя вси роди.

Апостол ко Eвреeм, зачало 316.

Братие, без всякаго же прекословия меншее от болшаго благословляется.

Братья, без всякого же прекословия меньший благословляется большим.

И зде убо десятины человецы умирающии приемлют: тамо же свидетелствуемый, яко жив eсть.

И здесь десятины берут человеки смертные, а там – имеющий о себе свидетельство, что он живет.

И да сице реку, Авраамом и Левий, приемляй десятины, десятины дал eсть:

И, так сказать, сам Левий, принимающий десятины, в лице Авраама дал десятину:

Eще бо в чреслех oтчиих бяше, eгда срете eго Мелхиседек.

Ибо он был еще в чреслах отца, когда Мелхиседек встретил его.

Аще убо совершенство левитским священством было, людие бо на нем взаконени быша: кая eще потреба по чину Мелхиседекову иному востати священнику, а не по чину Ааронову глаголатися?

Итак, если бы совершенство достигалось посредством левитского священства, – ибо с ним сопряжен закон народа, – то какая бы еще нужда была восставать иному священнику по чину Мелхиседека, а не по чину Аарона именоваться?

Прелагаему бо священству, по нужди и закону пременение бывает.

Потому что с переменою священства необходимо быть перемене и закона.

О Немже бо глаголются сия, колену иному причастися, от негоже никтоже приступи ко oлтарю:

Ибо Тот, о Котором говорится сие, принадлежал к иному колену, из которого никто не приступал к жертвеннику.

Яве бо, яко от колена Иудова возсия Господь наш, о немже колене Моисей о священстве ничесоже глагола.

Ибо известно, что Господь наш воссиял из колена Иудина, о котором Моисей ничего не сказал относительно священства.

И лишше eще яве eсть, яко по подобию Мелхиседекову востает Священник ин,

И это еще яснее видно из того, что по подобию Мелхиседека восстает Священник иной,

Иже не по закону заповеди плотския бысть, но по силе живота неразрушаемаго.

Который таков не по закону заповеди плотской, но по силе жизни непрестающей.

Свидетелствует бо, яко Ты eси священник во век по чину Мелхиседекову.

Ибо засвидетельствовано: Ты священник вовек по чину Мелхиседека.

Аллилуиа, глас 8: Ныне отпущаеши раба Твоего Владыко, по глаголу Твоему с миром. Стих: Свет во откровение языков, и славу людей Твоих Израиля.

Евангелие Луки, зачало 7.

Егда исполнишася дние очищения eю, по закону Моисеову, вознесоста Eго во Иерусалим, поставити Eго пред Господем,

Когда исполнились дни очищения их по закону Моисееву, принесли Его в Иерусалим, чтобы представить пред Господа,

Якоже eсть писано в законе Господни. яко всяк младенец мужеска полу, разверзая ложесна, свято Господеви наречется:

Как предписано в законе Господнем, чтобы всякий младенец мужеского пола, разверзающий ложесна, был посвящен Господу,

И eже дати жертву, по реченному в законе Господни, два горличища или два птeнца голубина.

И чтобы принести в жертву, по реченному в законе Господнем, две горлицы или двух птенцов голубиных.

И се бе человек во Иерусалиме, eмуже имя Симеон: и человек сей праведен и благочестив, чая утехи Израилевы: и Дух бе Свят в нем.

Тогда был в Иерусалиме человек, именем Симеон. Он был муж праведный и благочестивый, чающий утешения Израилева; и Дух Святый был на нем.

И бе eму обещано Духом Святым, не видети смерти, прежде даже не видит Христа Господня.

Ему было предсказано Духом Святым, что он не увидит смерти, доколе не увидит Христа Господня.

И прииде духом в церковь. И eгда введоста родитeля Oтроча Иисуса, сотворити има по обычаю законному о Нем,

И пришел он по вдохновению в храм. И, когда родители принесли Младенца Иисуса, чтобы совершить над Ним законный обряд,

И той прием Eго на руку своeю, и благослови Бога, и рече:

Он взял Его на руки, благословил Бога и сказал:

Ныне отпущаеши раба Твоего, Владыко, по глаголу Твоему, с миром:

Ныне отпускаешь раба Твоего, Владыко, по слову Твоему, с миром,

Яко видесте oчи мои спасение Твое,

Ибо видели очи мои спасение Твое,

Eже eси уготовал пред лицем всех людей:

Которое Ты уготовал пред лицем всех народов,

Свет во откровение языком, и славу людей Твоих Израиля.

Свет к просвещению язычников и славу народа Твоего Израиля.

И бе Иосиф и Мати Eго чудящася о глаголемых о Нем.

Иосиф же и Матерь Его дивились сказанному о Нем.

И благослови я Симеон, и рече к Марии Матери Eго: се лежит Сей на падение и на востание многим во Израили, и в знамение пререкаемо:

И благословил их Симеон и сказал Марии, Матери Его: се, лежит Сей на падение и на восстание многих в Израиле и в предмет пререканий, –

И Тебе же Самой душу пройдет оружие. яко да открыются от многих сердец помышлeния.

И Тебе Самой оружие пройдет душу, – да откроются помышления многих сердец.

И бе Анна пророчица, дщи Фануилева, от колена Асирова: сия заматоревши во днех мнозех, живши с мужем седмь лет от девства своего:

Тут была также Анна пророчица, дочь Фануилова, от колена Асирова, достигшая глубокой старости, прожив с мужем от девства своего семь лет,

И та вдова яко лет oсмьдесят и четыре, яже не отхождаше от церкве, постом и молитвами служащи день и нощь.

Вдова лет восьмидесяти четырех, которая не отходила от храма, постом и молитвою служа Богу день и ночь.

И та в той час приставши исповедашеся Господеви, и глаголаше о Нем всем чающим избавления во Иерусалиме.

И она в то время, подойдя, славила Господа и говорила о Нем всем, ожидавшим избавления в Иерусалиме.

И яко скончашася вся по закону Господню, возвратишася в Галилею, во град свой Назарет.

И когда они совершили всё по закону Господню, возвратились в Галилею, в город свой Назарет.

Oтроча же растяше и крепляшеся духом, исполняяся премудрости: и благодать Божия бе на Нем.

Младенец же возрастал и укреплялся духом, исполняясь премудрости, и благодать Божия была на Нем.

Причастен: Чашу спасения прииму, и имя Господне призову.

Ведомо буди, яко аще случится праздник Сретения Господня в неделю, прежде Недели мытаря и фарисея, зри всея службы вечер и утро, и литургии, септемвриа во 8 день, точию катавасиа праздника. Аще же прилучится праздник Сретения Господня в кийлюбо день Недели мытаря и фарисеа, или блуднаго, или мясопустныя, или сыропустныя: устав зри в Триодионе или Типице.

  1. Рождество Пресвятой Богородицы
  2. Воздвижение Честного и Животворящего Креста Господня
  3. Введение во Храм Пресвятой Богородицы
  4. Рождество Христово
  5. Богоявление или Крещение Господне
  6. Сретение Господне
  7. Благовещение Пресвятой Богородицы
  8. Вход Господень в Иерусалим
  9. Вознесение Господне
  10. День Святой Троицы. Пятидесятница
  11. Преображение Господне
  12. Успение Пресвятой Богородицы

Рождество Пресвятой Богородицы

(21 сентября)

Тропарь, глас 4

Аудио:

Рождество́ Твое́, Богоро́дице Де́во,/ ра́дость возвести́ всей вселе́нней:/ из Тебе́ бо возсия́ Со́лнце пра́вды Христо́с Бог наш,/ и, разруши́в кля́тву, даде́ благослове́ние,// и, упраздни́в сме́рть, дарова́ нам живо́т ве́чный.

Перевод: Пресвятая Богородица! Ты родилась, и все люди обрадовались, потому что от Тебя родился Христос, наш Бог, наш свет. Он снял с людей проклятье и дал благословение; Он уничтожил смертное мучение в аду и дал нам вечную жизнь на небесах.

Кондак, глас 4

Аудио:

Иоаки́м и А́нна поноше́ния безча́дства,/ и Ада́м и Е́ва от тли сме́ртныя свободи́стася, Пречи́стая,/ во святе́м рождестве́ Твое́м./ То пра́зднуют и лю́дие Твои́,/ вины́ прегреше́ний изба́вльшеся,/ внегда́ зва́ти Ти:// непло́ды ражда́ет Богоро́дицу и пита́тельницу Жи́зни на́шея.

Перевод: Иоаким и Анна от поношения за бездетность и Адам и Ева от тления смертного освободились святым Твоим рождеством, Пречистая. Его празднуют и люди Твои, от осуждения за грехи избавленные, восклицая Тебе: «Неплодная рождает Богородицу и Питательницу Жизни нашей!»

* * *

Воздвижение Честного и Животворящего
Креста Господня

(27 сентября)

Тропарь, глас 1

Аудио:

Спаси́, Го́споди, лю́ди Твоя́/ и благослови́ достоя́ние Твое́,/ побе́ды на сопроти́вныя да́руя// и Твое́ сохраня́я Кресто́м Твои́м жи́тельство.

Перевод: Спаси, Господи, людей Твоих и благослови верных Тебе, даруя им победы над противниками (видимым и невидимым злом) и Твоим Крестом сохраняя Твой народ.

Аудио:

Вознесы́йся на Крест во́лею,/ тезоимени́тому Твоему́ но́вому жи́тельству,/ щедро́ты Твоя́ да́руй, Христе́ Бо́же,/ возвесели́ нас си́лою Твое́ю,/ побе́ды дая́ нам на сопоста́ты,/ посо́бие иму́щу Твое́ ору́жие ми́ра,// непобеди́мую побе́ду.

Перевод: Вознесенный на Крест добровольно, соименному Тебе новому народу милости Твои даруй, Христе Боже; возвесели силою Твоею верных людей Твоих, подавая им победы над врагами, – да имеют они помощь от Тебя, оружие мира, непобедимый знак победы.

* * *

Введение во Храм Пресвятой Богородицы

(4 декабря)

Аудио:

Днесь благоволе́ния Бо́жия предображе́ние,/ и челове́ков спасе́ния пропове́дание,/ в хра́ме Бо́жии я́сно Де́ва явля́ется,/ и Христа́ всем предвозвеща́ет./ Той и мы велегла́сно возопии́м:// ра́дуйся смотре́ния Зижди́телева исполне́ние.

Перевод: Сегодня в Божий храм пришла Дева Мария, и люди узнали, что скоро явится милость Божия, скоро Бог спасет людей. Мы будем так хвалить Богородицу, радуйся, Ты даешь нам милость Божию.

Аудио:

Пречи́стый храм Спа́сов,/ многоце́нный черто́г и Де́ва,/ свяще́нное сокро́вище сла́вы Бо́жия,/ днесь вво́дится в дом Госпо́день, благода́ть совводя́щи,/ Я́же в Ду́се Боже́ственном,/ Ю́же воспева́ют А́нгели Бо́жии:// Сия́ есть селе́ние Небе́сное.

Перевод: Чистейший храм Спасителя, многоценный чертог и Дева, священное сокровище славы Божией, в сей день вводится в дом Господень, вводя благодать с Собою, ту, что в Духе Божественном. Ее воспевают Ангелы Божии; Она – скиния Небесная.

* * *

Рождество Христово

(7 января)

Аудио:

Рождество́ Твое́, Христе́ Бо́же наш,/ возсия́ ми́рови свет ра́зума,/ в нем бо звезда́м служа́щии,/ звездо́ю уча́хуся,/ Тебе кла́нятися Со́лнцу Пра́вды,/ и Тебе́ ве́дети с высоты́ восто́ка:// Го́споди, сла́ва Тебе́.

Перевод: Рождество Твое, Христос Бог наш, осветило мир истиной, потому что тогда волхвы, кланявшиеся звездам, со звездой пришли к Тебе, как к настоящему солнцу, и узнали Тебя, как настоящий восход. Господи, Слава Тебе.

Кондак, глас 3

Аудио:

Де́ва днесь Пресу́щественнаго ражда́ет,/ и земля́ верте́п Непристу́пному прино́сит,/ А́нгели с па́стырьми славосло́вят,/ волсви́ же со звездо́ю путеше́ствуют:/ нас бо ра́ди роди́ся// Отроча́ Мла́до, Преве́чный Бог.

Перевод: Дева в сей день Сверхсущественного рождает, и земля пещеру Неприступному приносит; Ангелы с пастухами славословят, волхвы же за звездою путешествуют, ибо ради нас родилось Дитя младое, предвечный Бог!

* * *

Богоявление или Крещение Господне

(19 января)

Аудио:

Во Иорда́не креща́ющуся Тебе́, Го́споди,/ Тро́ическое яви́ся поклоне́ние:/ Роди́телев бо глас свиде́тельствоваше Тебе́,/ возлю́бленнаго Тя Сы́на имену́я,/ и Дух в ви́де голуби́не,/ изве́ствоваше словесе́ утвержде́ние./ Явле́йся Христе́ Бо́же,// и мир просвеще́й, сла́ва Тебе́.

Перевод: Когда Ты, Господи, крестился во Иордане, люди узнали Святую Троицу, потому что голос Бога Отца называл Тебя любимым Сыном, а Дух Святой, в виде голубя, эти слова подтверждал. Ты, Господи, пришел на землю и дал людям свет, слава Тебе.

Аудио:

Перевод: Явился Ты в сей день вселенной, и свет Твой, Господи, запечатлелся на нас, в полноте знания воспевающих Тебя: «Пришел, явился Ты, Свет неприступный!»

* * *

Сретение Господне

(15 февраля)

Аудио:

Ра́дуйся, Благода́тная Богоро́дице Де́во,/ из Тебе́ бо возсия́ Со́лнце Пра́вды – Христо́с, Бог наш,/ просвеща́яй су́щия во тьме./ Весели́ся и ты, ста́рче пра́ведный,/ прие́мый во объя́тия Свободи́теля душ на́ших,// да́рующаго нам воскресе́ние.

Перевод: Радуйся, получившая милость Божию, Богородица Дева, потому что от Тебя родился Христос Бог наш, наше солнце правды, осветившее нас темных людей. И ты, праведный старец, радуйся, потому что ты носил на руках Спасителя наших душ.

Кондак, глас 1

Аудио:

Утро́бу Деви́чу освяти́вый Рождество́м Твои́м,/ и ру́це Симео́не благослови́вый,/ я́коже подоба́ше, предвари́в,/ и ны́не спасл еси́ нас, Христе́ Бо́же,/ но умири́ во бране́х жи́тельство// и укрепи́ лю́ди, и́хже возлюби́л еси́, Еди́не Человеколю́бче.

Перевод: Утробу Девы освятив рождением Твоим, и руки Симеона благословив, заранее, как надлежало, и ныне Ты спас нас, Христе Боже. Но огради миром среди войн народ Твой и укрепи тех, кого Ты возлюбил, Единый Человеколюбец.

* * *

Благовещение Пресвятой Богородицы

(7 апреля)

Аудио:

Днесь спасе́ния на́шего глави́зна,/ и е́же от ве́ка та́инства явле́ние:/ Сын Бо́жий, Сын Де́вы быва́ет,/ и Гаврии́л благода́ть благовеству́ет./ Те́мже и мы с ним Богоро́дице возопии́м:/ ра́дуйся, Благода́тная,// Госпо́дь с Тобо́ю.

Перевод: Сегодня начало нашего спасения, сегодня открытие вечной тайны: Сын Божий стал Сыном Девы Марии, и об этой радости говорит Гавриил. И мы с ним Богородице будем петь; радуйся, милостивая, Господь с Тобою.

Кондак, глас 8

Аудио:

Взбра́нной Воево́де победи́тельная,/ я́ко изба́вльшеся от злы́х,/ благода́рственная воспису́ем Ти, раби́ Твои́, Богоро́дице./ Но, я́ко иму́щая держа́ву непобеди́мую,/ от вся́ких нас бед свободи́, да зове́м Ти:// ра́дуйся, Неве́сто Неневе́стная.

Перевод: Обороняющей нас Военачальнице за избавление от страшных бед учреждаем Тебе торжества победы благодарственные мы, рабы Твои, Богородица! Но Ты, как имеющая власть необоримую, от всяческих опасностей нас освободи, да взываем Тебе: «Радуйся, Невеста, брака не познавшая!»

* * *

Вход Господень в Иерусалим

(воскресенье перед Пасхой)

Аудио:

О́бщее воскресе́ние/ пре́жде Твоея́ стра́сти уверя́я,/ из ме́ртвых воздви́гл еси́ Ла́заря, Христе́ Бо́же./ Те́мже и мы, я́ко о́троцы побе́ды зна́мения нося́ще,/ Тебе́, Победи́телю сме́рти вопие́м:/ оса́нна в вы́шних,// благослове́н Гряды́й во и́мя Госпо́дне.

Перевод: Ты, Христе Боже, перед своими страданиями воскресил из мертвых Лазаря, чтобы всякий веровал в свое воскресение. Поэтому и мы, зная, что воскреснем, Тебе поем, как прежде пели дети: Осанна в вышних, слава Тебе, пришедшему для славы Божией.

Ин тропарь, глас 4

Аудио:

Спогре́бшеся Тебе́ креще́нием, Христе́ Бо́же наш,/ безсме́ртныя жи́зни сподо́бихомся воскресе́нием Твои́м,/ и воспева́юще зове́м:/ оса́нна в вы́шних,// благослове́н Гряды́й во и́мя Госпо́дне.

Перевод: Погребенные с Тобой в крещении, Христе Боже наш, мы бессмертной жизни удостоились воскресением Твоим, и в песнях восклицаем: «Осанна в вышних, благословен Грядущий во имя Господне!»

Кондак, самогласен, глас 6

Аудио:

На престо́ле на Небеси́,/ на жребя́ти на земли́ носи́мый, Христе́ Бо́же,/ А́нгелов хвале́ние и дете́й воспева́ние/ прия́л еси́ зову́щих Ти:// благослове́н еси́, Гряды́й Ада́ма воззва́ти.

Перевод: На престоле восседая на небесах, шествуя по земле на осленке, Христе Боже, принял Ты хвалу от Ангелов и прославление от детей, восклицавших Тебе: «Благословен Ты, Идущий призвать к Себе Адама!»

* * *

Вознесение Господне

(40-й день по Пасхе, четверг)

Аудио:

Возне́слся еси́ во сла́ве, Христе́ Бо́же наш,/ ра́дость сотвори́вый ученико́м,/ обетова́нием Свята́го Ду́ха,/ извеще́нным им бы́вшим благослове́нием,// я́ко Ты еси́ Сын Бо́жий, Изба́витель ми́ра.

Перевод: Ты, Христе Боже, обрадовал своих учеников, когда вознесся на небо и обещал послать им Святого Духа, Ты их благословил, и они верно узнали, что Ты Сын Божий, Спаситель мира.

Кондак, глас 6

Аудио:

Е́же о нас испо́лнив смотре́ние,/ и я́же на земли́ соедини́в Небе́сным,/ возне́слся еси́ во сла́ве, Христе́ Бо́же наш,/ ника́коже отлуча́яся,/ но пребыва́я неотсту́пный,/ и вопия́ лю́бящим Тя:// Аз есмь с ва́ми и никто́же на вы.

Перевод: Исполнив весь замысел о нашем спасении, и то что на земле соединив с небесным, вознесся Ты во славе, Христе, Боже наш, совсем не оставляя нас, но пребывая неразлучно и взывая любящим Тебя: «Я – с вами и никто – против вас!»

* * *

День Святой Троицы. Пятидесятница

(50-й день после Пасхи)

Тропарь, глас 8

Аудио:

Благослове́н еси́, Христе́ Бо́же наш,/ И́же прему́дры ловцы́ явле́й,/ низпосла́в им Ду́ха Свята́го,// и те́ми уловле́й вселе́нную, Человеколю́бче, сла́ва Тебе́.

Перевод: Ты, Христе Боже, сделал премудрыми простых рыбаков, когда послал им Святого Духа. Апостолы научили весь мир. Слава Тебе за такую любовь к людям.

Аудио:

Егда́ снизше́л язы́ки слия́,/ разделя́ше язы́ки Вы́шний,/ егда́ же о́гненныя язы́ки раздая́ше,/ в соедине́ние вся́ призва́,// и согла́сно сла́вим Всесвята́го Ду́ха.

Перевод: Когда сошел Всевышний и языки смешал, Он этим разделял народы; когда же огненные языки раздал, Он к единению всех призвал, и мы согласно славим Всесвятого Духа.

* * *

Преображение Господне

(19 августа)

Тропарь, глас 7

Аудио:

Преобрази́лся еси́ на горе́, Христе́ Бо́же,/ показа́вый ученико́м Твои́м сла́ву Твою́,/ я́коже можа́ху,/ да возсия́ет и нам, гре́шным,/ свет Твой присносу́щный/ моли́твами Богоро́дицы,// Светода́вче, сла́ва Тебе́.

Перевод: Ты, Христе Боже, преобразился на горе и показал апостолам Твою Божию славу. По молитвам Богородицы и нам грешным покажи Свой свет вечный. Слава Тебе.

Кондак, глас 7

Аудио:

На горе́ преобрази́лся еси́,/ и я́коже вмеща́ху ученицы́ Твои́,/ сла́ву Твою́, Христе́ Бо́же, ви́деша,/ да егда́ Тя у́зрят распина́ема,/ страда́ние у́бо уразуме́ют во́льное,/ ми́рове же пропове́дят,// я́ко Ты еси́ вои́стину О́тчее сия́ние.

Перевод: На горе преобразился Ты, и, насколько могли вместить ученики Твои, они славу Твою, Христе Боже, созерцали, чтобы, когда Тебя увидят распинаемым, уразумели, что Твое страдание – добровольное и миру возвестили, что Ты – воистину Отчее сияние.

* * *

Успение Пресвятой Богородицы

(28 августа)

Аудио:

В рождестве́ де́вство сохрани́ла еси́,/ во успе́нии ми́ра не оста́вила еси́, Богоро́дице,/ преста́вилася еси́ к животу́, Ма́ти су́щи Живота́,// и моли́твами Твои́ми избавля́еши от сме́рти ду́ши на́ша.

Перевод: Ты, Богородица, девой родила Христа и после смерти не забыла людей. Ты опять стала жить, потому что Ты Мать самой Жизни; Ты молишься за нас и спасаешь нас от смерти.

Кондак, глас 2

Аудио:

В моли́твах Неусыпа́ющую Богоро́дицу/ и в предста́тельствах непрело́жное упова́ние/ гроб и умерщвле́ние не удержа́ста:/ я́коже бо Живота́ Ма́терь/ к животу́ преста́ви// во утро́бу Всели́выйся присноде́вственную.

Перевод: В молитвах неусыпающую Богородицу и в ходатайствах надежду непоколебимую гроб и смертность не удержали. Ибо Ее как Матерь Жизни к жизни перенес Вселившийся в Ее чрево вечно девственное.

Двунадесятые праздники — двенадцать главных праздников после Пасхи.

Сретению Господню (тропарь, кондак, задостойник, молитвы и величание)

Тропарь, глас 1:

Ра́дуйся, Благода́тная Богоро́дице Де́во,/ из Тебе́ бо возсия́ Со́лнце Пра́вды — Христо́с, Бог наш,/ просвеща́яй су́щия во тьме./ Весели́ся и ты, ста́рче пра́ведный,/ прие́мый во объя́тия Свободи́теля душ на́ших,// да́рующаго нам воскресе́ние.

Кондак, глас 1:

Утро́бу Деви́чу освяти́вый Рождество́м Твои́м,/ и ру́це Симео́не благослови́вый,/ я́коже подоба́ше, предвари́в,/ и ны́не спасл еси́ нас, Христе́ Бо́же,/ но умири́ во бране́х жи́тельство // и укрепи́ лю́ди, и́хже возлюби́л еси́, Еди́не Человеколю́бче.

Задостойник

Богоро́дице Де́во,/ упова́ние христиа́ном,/ покры́й, соблюди́ и спаси́ на Тя упова́ющих.

В зако́не се́ни и писа́ний/ о́браз ви́дим, ве́рнии:/ всяк му́жеский пол, ложесна́ разверза́я, свят Бо́гу./ Тем Перворожде́нное Сло́во Отца́ Безнача́льна,/ Сы́на, Первородя́щася Ма́терию неискусому́жно,/ велича́ем.

Молитва первая ко Господу нашему Иисусу Христу

Го́споди Иису́се Христе́, Единоро́дный Сы́не и Сло́ве Бо́жий, дре́вле во проро́цех Ви́денный, я́коже зерца́лом в гада́нии, в после́док же дний сих пло́тию от Пресвяты́я Де́вы Мари́и нетле́нно рожде́нный и в четыредеся́тный день сей во Святи́лище во сре́тение всему́ ми́ру от Тоя́, я́ко Младе́нец руконоси́м, явле́нный и во объя́тиях пра́веднаго Симео́на во спасе́ние всем су́щим от Ада́ма носи́мый! Коль пресла́вно и пресве́тло Твое́ на руку́ Богома́тери во храм Госпо́день принесе́ние и от свята́го ста́рца Боже́ственное сре́тение Твое́! Днесь Небеса́ веселя́тся и ра́дуется земля́, я́ко ви́дена бы́ша ше́ствия Твоя́, Бо́же, ше́ствия Бо́га на́шего Царя́, И́же во Святе́м. Дре́вле Моисе́й восхо́дит ви́дети сла́ву Твою́, но не возмо́же уви́дити Лица́ Твоего́, зане́ яви́л еси́ ему́ то́чию за́дняя Своя́. В пресве́тлый же день сей Сре́тения Твоего́ Ты яви́л еси́ Себе́ челове́ком во святи́лище, сия́я неизрече́нным Све́том Божества́, да вку́пе с Симео́ном ви́дят Тя лице́м к лицу́ и рука́ми да ося́жут Тя, и восприе́мше во объя́тия своя́, да позна́ют Тя Бо́га во пло́ти прише́дша. Сего́ ра́ди прославля́ем неизрече́нное снисхожде́ние и ве́лие человеколю́бие Твое́, я́ко прише́ствием Твои́м дарова́л еси́ ны́не небе́сную ра́дость па́дшему дре́вле ро́ду челове́чу: Ты бо пра́ведным судо́м Свои́м изгна́л еси́ прароди́тели на́ша из рая́ сла́дости в мир сей, ны́не же поми́ловал еси́ нас и па́ки отве́рзл нам ра́йския оби́тели и обрати́л еси́ пла́ч наш на ра́дость, да па́дший Ада́м к тому́ уже́ не стыди́тся Тебе́ за преслуша́ние и да не бу́дет скрыва́тися Лица́ Твоего́, Тобо́ю призыва́емый, я́ко Ты прише́л еси́ ны́не, да во́зьмеши на Себе́ грех его́, да омы́еши его́ Свое́ю Кро́вию и да облече́ши его́ на́га су́ща в ри́зу спасе́ния и оде́жду весе́лия и украси́ши его́, я́ко неве́сту красото́ю. Нам же всем Боже́ственное Твое́ Сре́тение воспомина́ющим, сподо́би с му́дрыми де́вами изы́ти на Сре́тение Твое́, Небе́сному Жениху́ на́шему, с горя́щими свети́льниками ве́ры, любви́ и чистоты́, да улицезри́м оча́ми ве́ры Боже́ственное Лице́ Твое́, да восприи́мем Тя в душе́вныя объя́тия своя́, и да понесе́м Тя в се́рдце свое́м во вся дни живота́ своего́, да бу́деши нам в Бо́га и мы в лю́дие Твои́. В после́дний же и стра́шный день прише́ствия Твоего́, егда́ вси святи́и изы́дут на после́днее и вели́кое Сре́тение Твое́ на возду́се, сподо́би и нам усре́сти Тя, да та́ко всегда́ с Го́сподем бу́дем. Сла́ва милосе́рдию Твоему́, сла́ва Ца́рствию Твоему́, сла́ва смотре́нию Твоему́, Еди́не Человеколю́бче, я́ко Твое́ есть Ца́рство, и Си́ла, и Сла́ва со Безнача́льным Твои́м Отце́м и Пресвяты́м и Благи́м и Животворя́щим Твои́м Ду́хом ны́не и при́сно, и во ве́ки веко́в. Ами́нь.

Молитва вторая ко Пресвятей Владычице Богородице

О, Пресвята́я, Небе́сною чистото́ю сия́ющая Де́во, Кро́ткая голу́бице, Нескве́рная А́гнице, ми́ру Блага́я Помо́шнице, Ма́ти Христа́ Бо́га на́шего! Ты еси́ нача́ло, среди́на и коне́ц ны́нешния ра́дости на́шея, я́ко из Тебе́ возсия́ Со́лнце Пра́вды Христо́с Бог наш и Того́ принесла́ еси́ на святы́х объя́тиях Свои́х в четыредеся́тный день сей во Святи́лище на сре́тение на́ше и на ра́дость и спасе́ние всему́ ми́ру. Сего́ ра́ди и ублажа́ем и прославля́ем Тя, я́ко Ты еси́ Ски́ние Бо́га с челове́ки Богосло́вом Предзри́мая, Е́юже Бог всели́ся с на́ми, да мы лю́дие Его́ бу́дем! Ты еси́ Дверь Небе́сная Иезекии́лем Предрече́нная, Е́юже отверзо́шася па́ки нам вхо́ды в ра́йския оби́тели. Ты еси́ Ле́ствице Высо́кая, Иа́ковом Предви́димая, Е́юже сни́де Бог на зе́млю и Мо́сте, преводя́й су́щия от земли́ на Не́бо. Те́мже мо́лим Тя, взира́юще, я́ко вошла́ еси́ во Святи́лище, нося́щи Огнь Небе́сный рука́ма Свои́ма, Бо́га, Благода́тная. Огне́м моли́твы Твоея́ попали́ огнь страсте́й на́ших, да изба́вимся ве́чнаго огня́ гее́нскаго. Во Святи́лище пришла́ еси́ очище́ния ра́ди зако́ннаго, очище́ния не тре́бующая, я́ко Де́ва Чи́стая и сим научи́ нас ка́ко подоба́ет нам храни́ти себе́ в целому́дрии и чистоте́ и с каковы́м смире́нием подоба́ет нам провожда́ти по́двиг де́вства, па́мятуя, ка́ко Ты, превы́ше Херуви́м Су́щая, ста́ла еси́ на ме́сте нечи́стых жен. Ты, о, Ма́ти Пресвята́я, Сама́ су́щи Боговмести́мый храм Бо́жий принесла́ еси́ в це́рковь зако́нную Превожделе́наго Сы́на Твоего́, Христа́ Бо́га на́шего, сподо́би и нам па́че всего́ на земли́ люби́ти хра́мы Сы́на Твоего́, посеща́ти я во вся дни живота́ на́шего, зре́ти та́мо красоту́ Госпо́дню, я́ко лу́чше еди́н день примета́тися во дво́рех Госпо́дних, па́че не́же жи́ти в селе́ниих гре́шничих. Наипа́че же да́руй нам, Пречи́стая, я́ко же Симео́ну, неосужде́нно носи́ти Сы́на Твоего́ и Бо́га на́шего в серде́чных объя́тиях свои́х, егда́ прича́стницы бу́дем Пречи́стаго Те́ла и Кро́ви Его́, и помози́ нам тогда́ сугу́бо храни́ти себе́ во святы́не и стра́хе Бо́жиим, да не растли́м храм пло́ти на́шея. И та́ко вы́ну срета́юще, о Богома́ти, Сы́на Твоего́ в сердца́х и душа́х на́ших, да сподо́бимся моли́твами Твои́ми дости́гнути и блаже́ннаго о́наго Сре́тения Госпо́дня на возду́се, егда́ со все́ми святы́ми вы́ну бу́дем сла́вити и воспева́ти Пресвято́е И́мя Его́ со Отце́м и Святы́м Ду́хом и Твое́ ми́лостивое предста́тельство ны́не и при́сно и во ве́ки веко́в. Ами́нь.

Величание

Велича́ем Тя, Живода́вче Христе́, и чтим Пречи́стую Ма́терь Твою́, Е́юже по зако́ну ны́не прине́слся еси́ в храм Госпо́день.

Назад к списку

Сретение Господне
По закону Моисееву, все еврейские родители должны были своих первенцев (то есть первых сыновей), на сороковой день после рождения, приносить в Храм для посвящения Богу. При этом полагалось, в благодарность Богу, принести жертву. Закон этот был установлен в память исхода евреев из Египта — освобождения от рабства, спасения тогда первенцев еврейских от смерти.
Во исполнение этого закона Матерь Божия с Иосифом принесли Младенца Иисуса в Храм Иерусалимский, а для жертвы принесли двух птенцов голубиных.
В это время в Иерусалиме жил старец, по имени Симеон. Он был человек праведный и благочестивый и ожидал пришествия Спасителя. Ему было предсказано Духом Святым, что он не умрет до тех пор, пока не увидит Христа Господня. Симеон долго ждал исполнения обещания Божия. По преданию он жил около 300 лет. И вот, в этот день, по внушению Духа Святого, он пришел в Храм. И когда Пресвятая Дева Мария с Праведным Иосифом Обручником принесли Богомладенца Иисуса, старец Симеон встретил Его( сретениезначит встреча), взял Его на руки и, славя Бога, сказал: «Ныне отпущаеши раба Твоего, Владыко, по глаголу Твоему, с миром; яко видеста очи мои спасение Твое, еже еси уготовал пред лицем всех людей, — свет во откровение языков, и славу людей Твоих Израиля».
Этими словами старец Симеон с радостью говорит: «Теперь Ты, Владыко, отпускаешь меня, раба Твоего (из этой жизни в другую), по слову Твоему (согласно Твоего обещания), с миром (спокойно), потому что глаза мои увидели то спасение, которое Ты приготовил для всех людей».
Родившегося Господа Симеон называет: «Светом во откровение (для просвещения) языков (язычников), то есть всех племен и народов, и «славою для народа Своего», то есть Израиля. Есть два Израиля: ветхозаветный и новозаветный. В Ветхом Завете то был избранный народ еврейский или израильский, а в Новом Завете — весь верующий мир христианский.
Иосиф же и Матерь Божия дивились словам Симеона. Симеон благословил их и, обратившись к Божией Матери, предсказал Ей о Младенце: «Вот, из-за Него будут спорить в народе: одни спасутся, а другие погибнут. А Тебе Самой оружие пройдет душу», это значило, что Она Сама будет переживать великое горе за Сына Своего, когда Он будет страдать (крестная смерть на Голгофе).

Тут же, в Храме, была благочестивая вдова Анна пророчица, восьмидесяти четырех лет, служившая Богу постом и молитвою день и ночь. И она узнала Спасителя и, подойдя, славила Господа и говорила о Нем всем в Иерусалиме, ожидавшим пришествия на землю Христа Спасителя.
Исполнив все, что следовало по закону, Божия Матерь с Богомладенцем и Иосиф возвратились домой.
Это событие, когда святые Симеон и Анна встретили в Храме принесенного Божией Матерью и Иосифом Младенца Христа и прославили Его, называется праздником Сретения Господня, т. е. встречи Господа; и празднуется Святой Православною Церковью, как один из Великих Двенадцати Праздников, 2-го февраля (15 февр. н. ст.).
Праведный Симеон называется Богоприимцем, то есть принявшим на свои руки Бога Спасителя.
Тропарь Праздника
Церковно-славянский текст (Русский перевод )
Радуйся, благодатная Богородице Дево, из Тебе бо возсия Солнце правды, Христос Бог наш, просвещая сущия во тьме: веселися и ты, старче праведный, приемый во объятия Свободителя душ наших, даруюшаго нам воскресение.
Радуйся, Благодатная Богородице Дева, потому что из Тебя воссияло Солнце правды — Христос Бог наш. Просвещающий находящихся во тьме (заблуждений и нечестия); веселись и ты, праведный старец, взявший на руки Того, Кто освободил наши души (от смерти) и даровал нам воскресение.
Кондак. Глас 1.
Церковно-славянский текст (Русский перевод)
Утробу Девичу освятивый рождеством Твоим, и руце Симеони благословивый, якоже подобаше, предварив, и ныне спасл еси нас, Христе Боже: но умири во бранех жительство, едине Человеколюбче.
Предварительно освятив рождеством Твоим утробу Девы и благословив руки Симеона. как надлежало, и нас ныне Ты спас, Христе Боже: ниспосли мир обществу среди браней, как единый Человеколюбец.
Молитва Святого Симеона Богоприимца
Церковно-Славянский текст (Русский перевод )
Ныне отпущаеши раба Твоего, Владыке, по глаголу Твоему, с миром; яко видеста очи мои спасение Твое, еже еси уготовал пред лицем всех людей, свет во откровение языком, и славу людей Твоих Израиля.
Ныне отпускаешь (меня) раба Твоего, Владыко, по слову Твоему, с миром; ибо видели очи мои спасение Твое, которое Ты уготовал пред лицом всех народов,—свет к просвещению язычников, и славу народа Твоего Израиля.
По глаголу — по обещанию. Во откровение — в просвещение. Языки — язычники.
Кем составлена эта молитва?
Эта песнь составлена праведным старецем Симеоном. Ему было открыто Духом Святым, что он не умрет, доколе не увидит Христа. Когда сорокадневный младенец Иисус принесен был во храм, по внушению Святаго Духа пришел сюда и Симеон. Взявши младенца Иисуса на руки, он сказал: Ныне отпущаеши раба Твоего, Владыко (из здешней жизни в загробную).
Когда эта молитва произносится?
Во время церковного Богослужения за Вечерней.
Из истории праздника Сретения Господня
Начало праздника Сретения восходит к глубокой древности. Несомненно, что этот праздник был известен Церкви Иерусалимской в IV веке. Из Иерусалима он перешел к другим Церквам. Собственно, торжественное празднование его в Церкви Западной и Восточной началось не в одно и то же время и по разным поводам. Западные писатели приписывают установление торжественного празднования Сретения (собственно литии) одни папе Геласию (496 год), другие святому Григорию Великому (600 год) и полагают, что таким путем названные папы имели в виду уничтожить языческий праздник люперкалиев, который попадал на февраль и в ту эпоху был еще в силе между римлянами. В Церкви Восточной торжественное празднование Сретения относится ко времени Юстиниана (542 год). В конце 541 года в Константинополе и его окрестностях появилась сильная моровая язва, продолжавшаяся 3 месяца и под конец поражавшая смертью ежедневно от 10 до 15 тысяч человек.
К этому бедствию скоро присоединилось новое — землетрясение в Антиохии Сирийской, разрушившее многие здания и погубившее много народа. Во время этих бедствий в праздник Сретения в Константинополе было совершено всенародное торжественное моление, и бедствие прекратилось. В благодарное воспоминание избавления от зол Церковью было установлено совершать в этот праздник Крестный Ход и Литию.
Празднованием Сретения Господня Святая Церковь, исповедуя и утверждая, что Христос «явился мирови не привидением, не мнением, но истиною», обличает тех древних лжеучителей, которые отвергали в Иисусе Христе естество человеческое, считая оное недостойным Бога и не истинным.
Из «Настольной книги священнослужителя»